Vienres, 12 de xunetu. 7 la tarde. L'ave de la semeya vien d'un prau que ta recién segáu (anden atropando los marallos), cruza per delantre de nós y métese pel maízal, ensin asustase muncho de nós. Camina per él un ratu y dempués llevanta.
El maizal ta a 500 metros del pedreru.
L'ave ye la de la semeya qu'equí pongo. Poles traces ye un algaraván / zarapitu real (Numenius arquata), pues, masque equí nun se vea, el picu ye satamente igual al d'esta otra foto.
Agora bien, ¿ye posible que sea un zarapitu real, un ave qu'anda pelos praos -anque cerca'l pedreru-, y, sobre too, en feches que, según los espertos nun ta equí? ¿Con esi picu y esi color -neso nun hai dulda- pue ser otra ave?
NB. Veo, ensin embargu, qu'esisten residentes permanentes, rapazos, fundamentalmente, a vegaes, diz, acompañaos d'adultos.
 |
| El vienres, 12 de xunetu, 7 tarde |
 |
| Tomada de Wikipedia |
No hay comentarios:
Publicar un comentario