Diccionariu. Descarga gratuita

Yá ta disponible pa la so descarga gratuita en pdf el volume Diccionariu de la mazana, el pumar y la sidra, con refranes y espresiones populares sobre elles, una obra del escritor y filólogu Xuan Xosé Sánchez Vicente qu'axunta nun centenar de páxines el léxicu tradicional asociáu a la mazana, al cultivu de los pumares y a los procesos d’ellaboración de la sidra. El llibru recueye amás un vocabulariu estensu de los oficios qu’históricamente dieron forma al ciclu sidreru y que güei formen parte de la memoria cultural del territoriu. A ello súmase un conxuntu de refranes, espresiones y fórmules tradicionales que reflexen la visión cultural, social y simbólica de la sidra na vida de caldía d’Asturies, contribuyendo a mostrar cómo esta bebida articula identidaes, rellaciones y maneres d’entender el paisaxe. Esta obra ta disponible pa la so descarga gratuita na web https://politicallinguistica.asturias.es/