L'Homenaxe a Xesús Cañedo Valle

Homenaxe a Xesús Cañedo El miércoles, 28 celebróse l'homenaxe a Xesús Cañedo Valle, Secretariu Xeneral del PAS, estudiosu de la cultura asturiana, asturianista y ciudadanu exemplar. Pesie a día y la hora, 7 la tarde, 240 persones asistieren al so homenaxe. Vía redes sociales o correos, fueren decenes les disculpes pola imposibilidá d'asistir. A too ello, habría qu'arreyar les más de mil espresiones de pésame que nel so día asoleyaren les redes y delles decenes d'enxertos. La familia y nós, como organizadores, queremos dar les gracies a toos: amigos, collacios del partíu, vecinos de Cenero, compañeros de Torrecerredo, ciudadanos y ciudadanes d'Asturies en xeneral. Y tamién a los que, nel actu, rememoraren la persona y l'actividá de Chus: Juan Manuel, Constantino, Sixto, Carlos Rubiera, Nel y, especialmente a Vanessa Gutiérrez, la Conseyera, que peslló l'homenaxe, homenaxe qu'abrimos col himnu del PAS y cerramos col d'Asturies -interpretaos dambos por Xosé Avelino, al tambor, y Alfonso Viejo, a la gaita-. Les semeyes: Los intervinientes nel estráu, el públicu de pie pal himnu -na primer fila, a la manzorga, la familia-, la recoyida d'una placa en "memoria y señardá" al fíu mayor, Nel, y a la muyer, Carmela.