No miréis al mar (novela)

No miréis al mar. La mio primer novela en castellanu. 346 páxines na edición "normal", 325 na de bolsillu. Hai tamién (o hubo) edición dixital. Un llibru que pasa revista a la sociedá española contemporánea y, especialmente, asturiana, al travíes d'una familia, representada pol güelu -activista na Guerra Civil y represaliáu-, el fíu -sindicalista de la UXT- y el nietu, empresariu y técnicu de material informáticu; y, pente ellos, les sos rellaciones amoroses, familiares y sexuales de los dos últimos, especialmente del nietu, José Alfredo. Na novela alternen dellos puntos de vista narrativos. La prosa ye mui complexa, enllena de referencies culturales y lliteraries, al mesmu tiempu que mui creativa no llingüístico. Una novela complexa lliterariamente y enllena erotismu. Hai entovía llibros nes llibreríes.