En contraste col abandonu de la casa -El Piqueru, Llastres, antigua casa maestros-, un rosal superviviente de los cuidaos antiguos echa, como tolos años, una magnífica rosa.
A la hora de sacar la semeya, una mano anónima arrincola pa llevala sigu (cortóla, en realidá, con pricuru). Asina que'l cumplimientu del rioxanu
Pura, encendida rosa,
émula de la llama
que sale con el día,
¿cómo naces tan llena de alegría
si sabes que la edad que te da el cielo
es apenas un breve y veloz vuelo?
y no valdrán las puntas de tu rama,
ni tu púrpura hermosa
a detener un punto
la ejecución del hado presurosa.
nun se debió al natural pasu de la hora y el día, sinón al de la mano del home.
La semeya, del 10/04/11.
Doña Ana Rosa "comprenderá" que los funcionarios -asina, en xeneral, que, en particular, hai dalgunos a los "que-yos va la marcha"- tengan un pésimu conceptu d'ella, del so partíu, del so Gobiernu y de la FSA, que pasaren siete años presumiendo de qu'ellos nun conxelaben el sueldu los funcionarios y que, entovía un mes antes de recortalu, aseguraben que dibe subilu perriba l'IPC.