¡Con estos fierros trabayamos!

El 12 d'agostu de 2002 asoleyaba na Nueva España un artículu nel que, a propósitu de que, d'aquella diba poder reservase la entrada pa Tito Bustillo -¡con tantos años de retrasu!- y averiguar si había o non entrades ensin necesidá de dir picar a la puerte, recordaba cuánto tarden n'adaptase n'Asturies les coses normales y cómo son aquellos que se llamen "progresistes" los que más retrasen el progresu o se oponen a la modernidá. "Los obstáculos tradicionales que se oponen al progreso" yera'l títulu del artículu, y miren lo que decía yo nél:

(Por cierto, a principios de los años 90, Rodríguez Vigil imperante, quien esto suscribe propuso en el Parlamentu Asturianu impulsar el vino de Cangas de Narcea bajo el amparo de la denominación de origen. Las carcajadas en  que prorrumpieron el gobierno y los bancos socialistas se oyeron en el cumal del Urriellu. Valga como otro ejemplo de la visión de Asturies y de la capacidad de previsión de aquellos a quienes se viene confiando la gobernación y guía de nuestra patria.)

Créanme, facer política n'Asturies ye mexase de risa, si ye qu'a ún nun-y importa nada, nin les persones nin les coses; si-y importen, ye morrer de tristura, ablucar de plasmu, glayar de rabia y quedar calvu de tirase de los pelos.

País Cabreiru (L.laron, Cangas de Narcea)

Acaba d'apaecer, fai relativamente pocu, un nuevu blog, País Cabreiru, qu'acostina y afala Manuel Álvarez Rodríguez, vecín de L.larón y asturianista.

Norabona. Yo, pola mio parte, invítolos a visitalu con frecuencia. Ehí pueden topase, per exemplu, abondes y terribles semeyes del incendiu d'esti veranu na parroquia la Viliel.la.

De cementu les obres, de cementu la cara

Ayer, 24 d'abril, l`Excelentísimu don Vicente Alberto Álvarez Areces visitó les obres del túnel del Rañadoiru. Les obres d'esi túnel tán yá presupuestaes dende 1998 (col Gobiernu Marqués), y teníen que tar acabaes nel 2005. Como agora nun lo tán, tienen yá cuatro años de retrasu.

Pues bien, nel actu visitacional, don Vicente Alberto anunció qu'igual se diben abrir pa estes navidaes del 2009, y non pa mayu del 2010, como últimamente taba calculao.

Y, entós, con esi estilu peleón que lu caracteriza (a fin de cuentes ún nun ye más que'l destín que los pás ponen nos xenes [el xeniu particular, l'estilu] y el cultivu qu'un fai d'esi aldu a lo llargu la vida, por eso se diz "xeniu y figura...", porque xeniu, xen y enxendrar tienen toos la mesma raíz, la de "xinecólogu"), digo que con esi estilu tan peleón que lu calteriza entamó: "y lluegu hailos que dicen que facemos les obres con retrasu, y equí ta la preba contraria, esti túnel vamos abrilu con cuatro meses d'adelantu".

Yá digo, xeniu y figura (o sea, destín, o sea calter)... Como nel corridu: "De piedra tien ser la cara, de piedra la cabecera..." ¿O yera "la cama"?