Póngo-yos el titular de la Nueva del 08/12/09:
"Aliados dentro del PSOE para frenar Sama-Velilla". Refierse a que los socialistes del conceyu d'Ayer tán tamién, como'l PP y como IU, escontra'l trazáu de Llada (o Sama)-La Velilla. Dafechu, los socialistes d'Ayer lleven oponiéndose, encabezaos pol alcalde, el señor Villalta, desayaque. Y, pese a esa oposición, don Gabriel Villalta encabeza una y otra vegada les llistes del PSOE.
Per otru llau, tamién los socialistes de Lleón (con Zapatero a la cabeza) tán a la escontra del trazáu actual de la llinia.
Agora bien, los socialistes asturianos, con
Javier Fernández a la cabeza (candidatu
in pectore pa les prósimes elecciones) sopelexen que'l trazáu ye irrenunciable, la llinia imprescindible y, en consecuencia, tiren a muerte contra'l PP y contra IU (pero, nesti casu un migayín menos).
Ayer llega'l
ministru Sebastián a pasease per Asturies y diz que: "La línea Sama-Velilla es buena para Asturias y León".
¿Qué-yos paez? ¿Conseguirán reíse tanto de los ciudadanos ensin mexase al reíse?
Como ye lo mismo, van permitime que-yos ensierte equí'l guañu del 16/11/09, que se titulaba igual qu'esti y qu'abordaba`l mesmu tema y discursos socialistes asemeyaos:
Entrevista'l martes 10 de payares con
Graciano Torre, conseyeru d'Industria. Sollerte, emberriacáu, aguarón, gafu, diz:
«Un fallo en Soto puede provocar apagones de incalculables consecuencias, que dejarían sin suministro a muchos hogares y grandes industrias de la región», alerto Graciano Torre. Ese riesgo se atenuaría, añadió, con las nuevas líneas en proyecto y con la instalación de un «anillo central», una serie de conexiones para enlazar las principales subestaciones de la región.
Según el Principado, el déficit de conexión con otras regiones supone otra situación de riesgo permanente. Asturias está ahora conectada con León por dos líneas (Lada-La Robla y Soto-La Robla). Conforme a una tesis que también defiende Red Eléctrica de España (REE), la región está expuesta a sufrir apagones y a quedar aislada del resto del sistema eléctrico en caso de averías u otras incidencias en esos tendidos. Las líneas Soto-Penagos y Sama-Velilla, expuso ayer Graciano Torre, «son imprescindibles para no correr riesgos».
Domingu, 8 de payares, entrevista dominical con Javier Fernández, aspirante a califa en llugar del califa, digo, a Tini envede Tini. Gayasperu, babayu:
Por lo demás, Fernández defendió las ayudas al carbón y aseguró que el PSOE se ha quedado solo en la defensa de la línea de alta tensión Sama-Velilla porque es «el único partido de gobierno en Asturias».
¡Coño! ¿Pero nun ye l'alcalde d'Ayer el señor Pérez Villalta, del PSOE, que lleva más de venti años gobernando'l conceyu y otros tantos oponiéndose a Llada-La Velilla? ¿Y nun ye Javier Fernández el que lu pon, una y otra vegada, al frente les llistes electorales?
¡Resoño! (que diría Marcos del Torniello) ¿Pero nun ye socialista l'alcalde de Mieres que ta escontra de que Llada-La Velilla vaiga per Mieres, como alternativa a Ayer?
¡Recontracoño! ¿Pero nun fue Sieru, gobernáu dende siempre -casi dende Prim- pol PSOE, el que nun paró de poner pilancos a Sotu-Penagos?
Deberíen facer un periódicu solo pa votantes del PSOE. Porque, de nun ser asina, a los demás va danos un día un ataque de risa que vamos afogamos de tanto reímos.
O como alternativa, que los ayuntamientos chasen nos depósitos d'agua pastilles de fatura, pa volvemos a toos tochos y que pudiésemos tragar tanta babayada y tanta mentira esin solliviamos.
El problema de la salida de la enerxía dende Asturies sigue ensin solucionase. Al marxen de les opiniones de caún sobre les llinies d'alta tensión y el so impactu medioambiental o la so necesidá, lo que quiero equí apuntar ye que mientres va caminando'l tendíu hacia Santander y hacia Galicia, la salida hacia Lleón ta parada.
