Les ñisales d'El Piles

Como tolos años, los piripirulos, ñisos, cagarriones del institutu El Piles. Los árboles, Prunus Pisardii, Prunus cerasifera atropurpurea. 24/02/2026

Ñisales, Prunus Pisardii, Prunus cerasifera atropurpurea, El Piles,

Dende hai unos años vengo apuntando l'apaición de les primeres flores nes ñisales o cagarrionales del institutu El Piles, que dan una cargazón de ñisos, cagarriones o piripirulos encarnaos, en sazón allá pa finales de mayu. El nome científicu de los árboles (son dos), ye'l de Prunus cerasifera atropurpurea o Prunus Pisardii. Dende que me xubilaron ye'l mio compañeru y amigu José Luis Fernández López, Pepe, el que me manda eses semeyes. Estes únviameles el 12/01/2022, y señala que salieren peles mesmes feches de la famosa "Filomena" (el nome griegu del reiseñor, masque, propiamente, Filomela) del añu pasáu, que tanta ñeve y fríu traxo. En fin, en tou casu, y como tolos años, les flores de les dos ñisales lleguen col primer aumentu de la llume'l día. Y a partir d'equí entamen les floraciones de munchos árboles. Gracies, Pepe.

Cagarriones/piripirulos/ñisos

Como tolos años, siguiendo los dos piripirulos, cagarriones, ñisos (Prunus cerasifera atropurpurea).

El 12/02/2020, un día d'orbayu aneciador. La semeya, hacia les 12 la mañana.

¡Qué guapes les florines blanques!

Cagarriones al 03/02/14 (y III)

Los cagarriones que charen les primeres flores d'estos cagarriones o Prunus Pissardi'l 28/01/2014 echen nel 03/02/14 los primeros brotos o puyos. Ehí:

cagarriones n'El Piles. Xineru, 2

Nel añu 2011, los cagarriones o cagarrionales del IES El Piles teníen yá flor el 8 de febreru. Nel 2012, la flor taba avanzada'l 15 de marzu. Esti añu son un migayu más tempranos: les primeres flores (tres) salieren el 28 de xineru. Les semeyes qu'agora llanto son del 30 de xineru d'esti 2014.

El cagarrión, prunu, piripirulu, ñisu o mirabolanu ye'l frutu de la ñisal, que tien como nome científicu (nesta triba de ñisal) el de Prunus cerasifera atropurpurea (en castellano, ciruelo rojo, ciruelo japonés, cerezo de Pissard).

Cagarriones n'El Piles (y II)

Ye la semeya del 18/02/13. Pueden comparar el so estáu coles semeyes del ensiertu del 16/02/11.

Paez qu'esti añu la cosa va más adelantada, un pelinísimu.

cagarriones nel IES El PIles

Asina van esti añu. El 04/02/13.

Cagarriones, 2013

Prunus Pisardii o Prunus cerasifera atropurpurea. Cagarriones, prunales, priripirulos o mirabolanos. Nel IES El Piles. El miércoles 23 nun había más qu'un o dos botones. El 28/01/13, llunes, había botones peruquiera y, yá, dalgunes flores. Como la mayoría les Rosácees, en cuantes la lluz del día entama crecer, elles entamen a floriar.

Esti añu vienen un poco más ceu qu'años pasaos.

Cagarriones, ñisos

Cagarriones, ñisos, piripirulos, mirabolanos, nel IES EL PILES. La semeya, del 07/06/12. Pueden ver la so evolución esti añu y n'anteriores buscando otros ensiertos con esta eiqueta.

Cagarriones y frutu partenocárpicu n'El Piles

En pocos díes (les semeyes son del 16/04/12) los cagarriones d'el IES El Piles nun solo s'enllenaren de fueya, sinón de frutos, como puede vese nestes semeyes. Ún dellos ye un frutu partenocárpicu, el que paez una guindilla.

L'añu pasáu ún de los dos Pissardi, el más cercanu al centru, estuvo especialmente cargáu d'esos frutos apaecíos a les guindilles (ver los ensiertos del 10/04/11 y 11/04/11). Durante un tiempu nun supimos qué yera, hasta que nos lo aclaró don Álvaro J. Morilla Fernández, un inxenieru agrónomu padre d'una escolina de 2º bachiller del añu pasáu (a la que, por cierto, saludamos dende equí y deseámos-y ésitos nos sos estudios). L'aclaración que nos fizo fue que son frutos que crecen ensin semilles fertilizaes, pero que siguen creciendo poles ausines, les hormones que faen crecer los frutos normales.

Cagarriones n'El Piles

En pocos díes (les semeyes son del 16/04/12) los cagarriones d'el IES El Piles nun solo s'enllenaren de fueya, sinón de frutos, como puede vese nestes semeyes.

Avance los cagarriones

De los del IES El Piles, el 27/03/12.

Cagarriones

Más Prunus Pisardii, cagarriones o prunales, de los del IES El Piles. Sigo, como quedara, la so evolución. Les semeyes, del 23/03/12.

Cagarriones n'El Piles (II)

Vamos siguiendo la evolución esti añu de los cagarriones (ñisales, piripirulos, mirabolanos), dos, del IES El Piles.

Les semeyes, del 15/03/12.

Cagarriones n'El Piles (I)

Los dos cagarriones (Prunu Pisardii) del IES El Piles. Vamos faciendo'l so seguimientu.

Estes semeyes son del 15/03/12.

Seguimientu los cagarriones

Del IES El Piles. Prunus Pissardi, un poco seroños, en relación con otros de Xixón. Vamos segui-yos la pista, como l'añu pasáu, onde tuvieren frutos partenocárpicos.

Estes semeyes, del 07/13/12.

cagarriones (Prunus Pisardii): apunta la primavera

Les primeres flores (y fueyes entá ensin desendolcar) nos dos Pisardii (Prunus cerasifera atropurpurea) del institutu d'El Piles. La fecha del 28/02/12. Los frutos son cagarriones, piripirulos o ñisos roxos.

Prácticamente, les flores apaecieren casi de golpe, nel fin de selmana del 18 al 20 de febreru.

Cagarriones y misteriu n'El Piles (II)

Ponemos equí unes semeyes. Son los mesmos cagarriones que poníamos en flor el 09/02/11 y el 16/02/11, col títulu de "apruz la primavera". Son un par d'ellos allugaos nel patiu l'institutu El Piles.

El cagarrión, prunu, piripirulu, ñisu o mirabolanu ye'l frutu de la ñisal, que tien como nome científicu (nesta triba de ñisal) el de Prunus cerasifera atropurpurea (en castellano, ciruelo rojo, ciruelo japonés, cerezo de Pissard).

El milagru o misteriu son los frutos allargaos, como guindilles, que ñacieren nel árbol de les flores, al pie de los frutos normales, los redondos que van ser los futuros ñisos.

A lo meyor, ye que yo desconozo lo que son eses "guindilles" allargaes (¿cruces?, ¿malformaciones?, ¿biltos habituales y comones?). Por favor, si daquién lo sabe, que nos lo diga.

Les semeyes tán tomaes el 23/03/11.

Un misteriu nos cagarriones d'El Piles (I)

El cagarrión, prunu, piripirulu, ñisu o mirabolanu ye'l frutu de la ñisal, que tien como nome científicu (nesta triba de ñisal) el de Prunus cerasifera atropurpurea (en castellano, ciruelo rojo, ciruelo japonés, cerezo de Pissard).

Les semeyes tán tomaes el 23/03/11.

Ponemos equí unes semeyes. Son los mesmos cagarriones que poníamos en flor el 09/02/11 y el 16/02/11, col títulu de "apruz la primavera". Son un par d'ellos allugaos nel patiu l'institutu El Piles.

El milagru o misteriu son los frutos allargaos, como guindilles, que ñacieren nel árbol de les flores, al pie de los frutos normales, los redondos que van ser los futuros ñisos.

A lo meyor, ye que yo desconozo lo que son eses "guindilles" allargaes (¿cruces?, ¿malformaciones?, ¿biltos habituales y comones?). Por favor, si daquién lo sabe, que nos lo diga.

¡Cómo antaína la primavera!

El nueve d'esti mes asoleyaba estes semeyes del día anterior (8, martes) d'unos cagarriones, ñisos o piripirulos (o, por meyor decir, cagarriones, ñisales, piripirulos) que viven nel institutu'l Piles, en Xixón.

Menos de siete díes dempués, el llunes taben ya asina y, seguramente, yá'l sábadu (les semeyes, del martes, 15).

¡Una maravía! (la naturaleza, non les semeyes).