Ñisales, Prunus Pisardii, Prunus cerasifera atropurpurea, El Piles,

Dende hai unos años vengo apuntando l'apaición de les primeres flores nes ñisales o cagarrionales del institutu El Piles, que dan una cargazón de ñisos, cagarriones o piripirulos encarnaos, en sazón allá pa finales de mayu. El nome científicu de los árboles (son dos), ye'l de Prunus cerasifera atropurpurea o Prunus Pisardii. Dende que me xubilaron ye'l mio compañeru y amigu José Luis Fernández López, Pepe, el que me manda eses semeyes. Estes únviameles el 12/01/2022, y señala que salieren peles mesmes feches de la famosa "Filomena" (el nome griegu del reiseñor, masque, propiamente, Filomela) del añu pasáu, que tanta ñeve y fríu traxo. En fin, en tou casu, y como tolos años, les flores de les dos ñisales lleguen col primer aumentu de la llume'l día. Y a partir d'equí entamen les floraciones de munchos árboles. Gracies, Pepe.

Cagarriones/piripirulos/ñisos

Como tolos años, siguiendo los dos piripirulos, cagarriones, ñisos (Prunus cerasifera atropurpurea).

El 12/02/2020, un día d'orbayu aneciador. La semeya, hacia les 12 la mañana.

¡Qué guapes les florines blanques!

Ñisales y almendru

A 22 de xineru de 2018.

Tolos años sigo'l florecimientu de les ñisales del IES El Piles. Equí los vemos acabaos de desurdir. Pela mesma fecha florez tamién l'únicu almendru de los tres qu'había nel campus de Viesques. Por ciertu, ehí veis un gran ñeru de pega.

Cagarriones, piripirulos n'El IES El Piles

La primavera apruciendo, pesie al fríu y les ñevaes. Póngo equí, como vengo faciendo hai años, les primeres flores de los dos cagarrionales (Prunus Pisardii, Prunus cerasifera atropurpurea) del IES El Piles, en Xixón. La d'enriba ye d'esti añu, del 25/02/15 (ayer). La d'embaxu ye del 08/02/11. Como puede vese, nel 11 y 17 díes enantes, yá taben les fueyes avanzaes mientres qu'esti añu nun hai más qu'unes floruques desurdíes.

Por ciertu, y según m'informen les floruques, desurdieren el fin de selmana, esto ye, ente'l 21 y el 23 d'esti añu.

Piripirulos. El Piles

Los Prunus Pisardii d'El Piles, que tolos años vo siguiendo, dende que l'árbol ta espíu hasta xunu, colos frutos yá perfechos.

Les semeyes, del 21/04/14.

Cagarriones al 03/02/2014 (II)

Los cagarriones que charen les primeres flores d'estos cagarriones o Prunus Pissardi'l 28/01/2014 echen nel 03/02/14 los primros brotos o puyos. Ehí:

cagarriones n'El Piles. Xineru, 2

Nel añu 2011, los cagarriones o cagarrionales del IES El Piles teníen yá flor el 8 de febreru. Nel 2012, la flor taba avanzada'l 15 de marzu. Esti añu son un migayu más tempranos: les primeres flores (tres) salieren el 28 de xineru. Les semeyes qu'agora llanto son del 30 de xineru d'esti 2014.

El cagarrión, prunu, piripirulu, ñisu o mirabolanu ye'l frutu de la ñisal, que tien como nome científicu (nesta triba de ñisal) el de Prunus cerasifera atropurpurea (en castellano, ciruelo rojo, ciruelo japonés, cerezo de Pissard).

Coyones d'obispu

Ñisos moraos, piripirulos, llamaos pol so color coyones de fraile, o, más propiamente, coyones d'obispu.

En La Cruz, Güerres, el 16/08/13.

Coyones d'obispu

Ñisos moraos, piripirulos, llamaos pol so color coyones de fraile, o, más propiamente, coyones d'obispu. En La Cruz, Güerres, el 16/08/13.

Cagarriones, piripirulos, ñisos. Nos dos prunus Pisardii del IES El Piles, el 10/06/13. El procesu podéis velu n'ensiertos anteriores.

Cagarriones n'El Piles (y II)

Ye la semeya del 18/02/13. Pueden comparar el so estáu coles semeyes del ensiertu del 16/02/11.

Paez qu'esti añu la cosa va más adelantada, un pelinísimu.

Cagarriones n'El Piles

Ye la semeya del 18/02/13. Pueden comparar el so estáu coles semeyes del ensiertu del 16/02/11.

Paez qu'esti añu la cosa va más adelantada, un pelinísimu.

Cagarriones, 2013

Prunus Pisardii o Prunus cerasifera atropurpurea. Cagarriones, prunales, priripirulos o mirabolanos. Nel IES El Piles. El miércoles 23 nun había más qu'un o dos botones. El 28/01/13, llunes, había botones peruquiera y, yá, dalgunes flores. Como la mayoría les Rosácees, en cuantes la lluz del día entama crecer, elles entamen a floriar.

Esti añu vienen un poco más ceu qu'años pasaos.

Cagarriones, ñisos

Cagarriones, ñisos, piripirulos, mirabolanos, nel IES EL PILES. La semeya, del 07/06/12. Pueden ver la so evolución esti añu y n'anteriores buscando otros ensiertos con esta eiqueta.