La primavera apruciendo, pesie al fríu y les ñevaes. Póngo equí, como vengo faciendo hai años, les primeres flores de los dos cagarrionales (Prunus Pisardii, Prunus cerasifera atropurpurea) del IES El Piles, en Xixón. La d'enriba ye d'esti añu, del 25/02/15 (ayer). La d'embaxu ye del 08/02/11. Como puede vese, nel 11 y 17 díes enantes, yá taben les fueyes avanzaes mientres qu'esti añu nun hai más qu'unes floruques desurdíes.
Por ciertu, y según m'informen les floruques, desurdieren el fin de selmana, esto ye, ente'l 21 y el 23 d'esti añu.
No hay comentarios:
Publicar un comentario