Munchos de los males del nuestru país nun vienen de que llueva munchu o pocu, de que tengamos ríos de calce estrenchu o anchu, de que nos arrodien los cuetos y los picos o de que les vallines sean menudes. Tampoco vienen de la dictadura franquista o de los tiempos de Pelayo. Non.
Munchos de los nuestros problemes tienen un orixen na democracia postfranquista y tienen la mesma causa: el despreciu que de los nuestros intereses fai l'estáu central. Esi despreciu aníciase, al mesmu tiempu, nel despreciu que la mayoría los representantes políticos asturianos tienen pa colos que los voten, la so sumisión a Madrid, la so inutilidá como fuerza política. Y ello, a la so vegada, tien causa na indiferencia cola que los votantes ven esa continua sumisión y esi despreciu, esi atropellu constante a los sos intereses, o, quiciabis meyor, a la mirada alienada cola que los votantes asturianos ven el mundu, que piensen que'l mundu real, el tanxible, l'importante, empieza más allá del Payares, y que'l suyu, el d'acá, l'asturianu, nun ye más qu'un sucedaneu del mundu real.
L'empresariu Francisco Rodríguez (Reny-Picot) vieno esti domingu, 31 d'ochobre (na primer entrega d'una serie de cuatro sobre la so vida y obra, na Nueva España), a recordanos esi continuu despreciu a los intereses asturianos y el silenciu -más, l'aplausu- col que los representantes políticos asturianos y munchos de los votantes acueyen esi despreciu. Yá lo dixéramos mos munches vegaes, pero equí lo tienen n'otra voz:
«Al principio tuvimos una gran vocación por perfeccionar nuestra situación y ello requería no repartir dividendos, sino que todos los beneficios fueran destinados a la mejora de la empresa». Sin embargo, «tuvimos momentos muy delicados, y los seguimos teniendo, a causa del ingreso de España en la Comunidad Económica Europea, en 1986, cuando Felipe González consideró que había que ingresar como fuera, ignorando a Asturias y toda la cordillera Cantábrica, con sus intereses agrarios».
Francisco Rodríguez y la Federación de Industrias Lácteas remitieron entonces un documento al presidente González en el que le advertían de que «no aceptase para España una cuota láctea anual inferior a los 7.200 millones de litros, pero los franceses impusieron un límite de 4.500 millones de litros». El fundador de Reny-Picot juzga hoy que «aquella tibieza en la negociación hace que sigamos pagando un error histórico 25 años después». La entrevista pueden vela entera nestes dos direcciones:
«Seguimos pagando que González ignorase a Asturias al entrar en el Mercado Común» (La Nueva España del 01/11/2010)
