Mostrando entradas con la etiqueta san Xuan. Mostrar todas las entradas
Mostrando entradas con la etiqueta san Xuan. Mostrar todas las entradas
Anécdota: el dueñu d'Al Pelayo y Carmina Polo
Anécdota (al final).
06/04/2023. Xueves Santu. Ocho y picu la tarde. Toi nun establecimientu d'espardimientu y ociu (eufemismu) viendo la TPA. Tán tresmitiendo dellos actos pasionales. Sal Uviéu, va salir de San Xuan la procesión. Coménto-y al chigreru (amigu): ¡Meca, ehí casaren Pachín y Carmina!
El chigreru dizme que ehí tamién casaren so pá y so má. Que so pá trabayó cuarenta años (tola vida llaboral) en Al Pelayo; que'l propietariu (Máximo Secades) yera "un paisanu" y un empresariu de los d'enantes, qu'entraba'l primeru, salía l'últimu, yera "condescendiente" y conocía pol nome a tolos empleaos y los neños d'estos.
Y agora va. Que Carmina caía con frecuencia per Al Pelayo cuando venía a Uviéu, y que siempre saludaba al propietariu:
-Buenos días, don Máximo.
Y qu'esti siempre-y arrespondía cola mesma cortesía:
-Buenos días, Carmina.
Edra serondiega y puerte
Hedera helix L., de la familia de les Araliácees. El collor de la mesma na seronda. Y esa puerte, al pie. En Duz, Los Pablos, Colunga, el 18/11/12.
Ilesia de San Xuan. Duz
Equí un altar procesional. Allúgase al norte, pa cola cabecera la ilesia.
Semeyes del 23/08/12.
Semeyes del 23/08/12.
Ilesia de San Xuan, Duz
Ilesia de San Xuan de Duz, Colunga. Del primer terciu del XX, fecha dientro la orientación "neorrexonalista" tan frecuente neses feches n'España. Nesti casu, dientro del llamáu "arte neoasturianu".
San Xuan, aligustre
L'aligustre o sanxuanín (Ligustrum vulgare L.) dase normalmente como un arbustu
que cierra caminos y sebies dando un racimu de florines blanques peroloroses,
y que suel floriar per mayu y xunu (d'ehí'l nome). Ye tamién árbol y suel
llantase con cierta frecuencia nes cais de les nuestres ciudaes. L'árbol floria un migayín más tarde, pa finales de xunetu y agostu.
Los frutos del sanxuanín son bagues de color prietu, apaecíes a
una aceituna, y son tósiques.
L'exemplar qu'equí llantamos ta allugáu nel perímetru de la ilesia
san Xuan, en Duz, Colunga.
Les semeyes son del 20/08/12.
Crepis capillaris
Unes semeyes d'esta abondosa asterácea, Crepis capillaris L., planta anual de flor mariella, enantes de floriar.
La semeya, del 17/03/12. Nel campu la ilesia San Xuan, en Duz, Colunga.
Et in Arcadia ego
Nel campu la ilesia de Duz, San Xuan, onde saco delles vegaes semeyes de guapes flores. Como no podía ser menos, ehí tán les muestres del pasu de los nuestros rapazos, "la xeneración más preparada qu'inxamás tuviéramos", xente normal, por otra parte, non especialmente gafo, per otru llau, pero, munchos d'ellos, con poca sensibilidá pa tolo que nun sea "yo", "yo", "yo".
Y, como se ve, toles perres gastaes na escuela, en rollos de mediuambiente y n'educación mediuambiental, en pinturines, cuadrinos, llantación d'arbolinos y otres caxigalines; too ello, ná de ná, pólvora y fumu, pómpares de xabón. O sea, una invitación más a la reflesión sobre la educación, les mentires sobre los efectos que-y atribuimos y les perres que se tiren nella.
Colunga, San Xuan: Árbol del amor
Un magníficu exemplar d'arbol del amor (Cercis siliquastrum, de la familia de les Fabácees), conocíu pol meyor nome d'"árbol del amor", anque tamién se lu denoma "árbol de Xudes" (diz que se colgara d'ún d'ellos Xudes) y "algarrobu llocu".
Como quier que sea, la belleza'l color de les flores y el porte d'esti exemplar son impresionantes.
Ta en San Xuan, Colunga. La semeya, del 10/04/11.
¡Va enterase San Xuan!
Perfartucos tamos los asturianos del tiempu. Na última selmana hubo que volver a les mangues llargues, a les chaquetes, a los zapatos de suela más gordo. Y lo que ye peor: inundaciones, argayos, afaramientos, muertes. Y, polo que paez, esta selmana va seguir igual. ¡Vaya San Xuan!
Bueno, pues va haber que facer lo que faen en Cuideiru y otros munchos llugares: amenazar al santu y asustalu pa que les coses vayan bien, o castigalu, si van mal.
Asina que si'l patrón d'esta temporada y mes, San Xuan, nun camuda les perspectives meteorolóxiques y sigue esto metío n'agua, prúa y borrina, vo castigar al santu de la dómina. ¿Con qué? Pues podemos manda-y p'allá la pómpara balera de Zapatero o la perceba de sombra d'Ovidio Sánchez.
¿Parez-yos poca condena o dalgún d'ustedes quier que-y mandemos el mesmu castigu que pedía'l vieyu de la hestoria del castigu del llobu, que nun-y abultaba ábondu ningún, masque lu encerrasen cola so muyer?
Suscribirse a:
Entradas (Atom)