Agora que Pedro J. Ramírez y Ágata Ruiz de la Prada se separen dempués de 30 años puede entrugase ún por Exuperancia Rapú, a la que, precisamente citaba, de manera indirecta, Ágata Ruiz de la Prada nuna entrevista que-y ficiera fai un añu Risto Mejide:
"Yo le perdoné y me porté muy bien. Otra cosa es que yo luego aprovechara y tirase para lo que a mí me convenía. Pero es que esas cosas o te separan o te unen y luego Pedro J. se portó fenomenal. A mí me vino muy bien. Me trató durante años como una reina"
 |
| Nun ye nin Pedro J. nin Ágata, ye doña Exuperancia Rapú Muebaque |
Pa los que tengan menos memoria o años:
Pedro J. tien o tenía, tenía en tou casu d'aquella, tentaciones sexuales un daqué estravagantes. N'aquel momentu al que nos referimos, Pedro J., como director d'El Mundo, taba teniendo, ayudáu por Garzón, desairáu por nun facelu ministru, continues agarrapeles col Gobiernu de Felipe González, sacando informaciones sobre la guerra sucio, los GAL, los fondos d'interior, el papel de dellos socialistes en realación cola guerra escontra ETA, etc.
Pues bien, pa ponelu nun apuru, Interior grabólu nun videu (1997) onde-y pedía a Exuperancia coses un pocu fuera la norma y onde esta facía-yles (nel videu salíen lo que se facía y lo que se pedía).
Agora bien, pa que se pudiese grabar el videu, nel interior de l'habitación de Rapú, a la muyer tuvieren que amenazala o xantaxeala, en tou casu, pagáron-y. Dempués
del escándalu, too siguió igual, tres un batoriciu y una engarradiella llegal: Pero J. siguió al frente d'El Mundo, Ágata Ruiz, con él y ventaxosa, según se puede lleer enriba. ¿Pero y Exuperancia? ¿Hubo dexar el país? ¿Subió'l preciu los sos servicios? ¿Nun-y los volvieren pidir por mieu a que los grabasen? ¿Ónde para agora? A lo meyor fue ella la única víctima.
