El discursu oficial del PSOE, de la UGT y de los sos sostenedores permanentes (CCOO e IU) ye siempre'l mesmu: ellos tán contra les privatizaciones, son los demás los que tán a favor d'elles (y del capital); ellos tán a favor de los trabayadores, son los demás los que tán escontra.Y, ensin embargu, ¿quién privatizó Juliana? El PSOE. ¿Qué instituciones lo apoyaren? El Gobiernu PSOE-Areces y l'Ayuntamientu Xixón (con IU dientro). De mou y manera qu'una cosa ye lo que fain y otra lo que dicen, los discursos que texen pa enguedeyar nellos a los..., a los... que quieren dexase engañar, porque velo nun ye que nun lo vean.
Pero hai entovía daqué muncho peor qu'esa ocultación permanente la realidá: la traición a Asturies, el sometimientu a los intereses d'otres comunidaes que-yos paecen más importantes, el "Sí, Güana" a lo que-yos manden en Madrid. Porque, na privatización, la UXT y el PSOE dexaren en manes del estáu los astilleros públicos de Galicia y los d'Andalucía, pero non Juliana. Y eso ye una doble traición: a los trabayadores por ser trabayadores, a los asturianos por ser asturianos, porque a esos, que-yos den morciella, piensen, total, van tragar colo que-yos echemos.Esto ye, y como siempre, PSOE y UGT de vendepatries, y IU y CCOO de palanganeros, como davezu.
Asina nos va.
2 comentarios:
entiendo la protesta pol agraviu comparativu ,,, que a unos los privatizen y a otros non.
Agora una entruga indirectamente relacionada ,,, si aceptamos, por fin , que nun ye el papel de l'estau o les admones publiques ... facer aceru , proveer servicios de telefonia u operar llinies aerees por que debe seguir faciendo barcos ?
Repito ,,, esto mas alla del agraviu de que unos se privatizen y otros non. Que-y parez que nengu astilleru siga en manes de l'estau ?
un saludu asturianista
Ayalgueru, el problema ye quien maneja'l estau. Mira pa la Xeneral Motores que acaben de nacionalizala
Publicar un comentario