La selmana pasada Miguel Ángel Revilla Roiz, presidente de Cantabria y del PRC, fizo delles declaraciones sopelexando'l so entusiasmu por Asturies y por Xixón. Les sos declaraciones pesllábales con un "¡Puxa Asturies! y ¡Puxa Sporting de Xixón!".
Además d'agradecé-y a Revilla'l so entusiasmu y sofitu, sírvenos pa facer una comparanza. Den vustedes una revolada pel prau de la romería o pel campu de fútbol. ¿Ven dalgún políticu asturianu que terminase les sos palabres con esos "¡Puxa Asturies! y ¡Puxa Sporting de Xixón!"? ¿Dieren bien la vuelta al prau? ¿A que ningún?
Y nun piensen que son sólo los del PP o los del PSOE, los del UPyD tán igual. Y los sindicalistes, lo mesmo.
De mou y manera que Miguel Ángel Revilla valnos pa otra cosa -además d'animanos- pa establecer el parámetru ente lo que ye un políticu normal (o una persona normal).
RIEGLA XENERAL, O RIEGLA REVILLA: SI DAQUIÉN YE UN POLITICU NORMAL, NUN YE UN POLÍTICU ASTURIANU.
No hay comentarios:
Publicar un comentario