El prósimu sábadu 13 d'esti mes, mañana, a les 13:00, la Xunta pola Defensa de la Llingua anuncia la celebración simbólica d'una clase d'asturianu na Plaza la Escandalera d'Uviéu, como primer movilización pa esixir l'aplicación de la Llei de Promoción y Usu, no que yo entiendo ye un reconocimientu públicu (xuráu, amás, delantre la gordina de Botero) del favor que l'asturianu y los asturianistes-y deben al PAS por tenese enfotao nel 1998 en sacar alantre, "como fuere", la Llei d'Usu y Promoción, PORQUE SABÍAMOS QUE YERA NECESARIO PAL PAÍS Y PA LA NORMALIZACIÓN SOCIAL DE LA LLINGUA (Y PA LA SO PRESENCIA NA ENSEÑANZA).
"Como fuere" quier decir escontra la oposición parllamentaria del PSOE y de gran parte del PP. "Como fuere" quier decir ESCONTRA LES CRÍTIQUES Y LOS ATAQUES ENSIN CUARTEL DE L'ACADEMIA, DE LA XUNTA POLA DEFENSA LA LLINGUA Y DE MUNCHOS QUE SE DICEN ASTURIANISTES. ESCONTRA LOS SOS LLEVANTOS.
Dende'l puntu de vista de la llingua y la so normalización social, ¡QUÉ BIEN QUE'L PAS FICIERE LO QUE TENÍA QUE FACER! Dende'l puntu de vista del interés políticu del PAS, ¡QUÉ LLÁSTIMA QUE SEAMOS PATRIOTES Y QUE CREAMOS NO QUE DECIMOS (frente a otros munchos)!
Pero, en fin, dempués de 12 años vien el reconocimientu públicu del nuestru papel.
Como decía la viuda: "Nunca ye tarde si la..."
3 comentarios:
Una entruga pa Xuan Xosé El Patriota I ¿con que brindasti la victoria nel mundial de la selección española con sidra, cava o champán?
Mui bien Xuan, faciendo amigos.
Mira a ver si te voten los escépticos del PP.
Les verdaes duelen.
Norabona Xuan
Publicar un comentario