El gastu públicu algama nestos momentos el 46% del PIB, el nivel más altu en 14 años. En ná más que dos años, el gastu les alministraciones públiques pasó del 39,2% del PIB al 46%. La parte fundamental d'esi gastu pertenez a les prestaciones por desempléu. La segunda partida, cuantitavimente, son les amortizaciones de la delda, contraída, nuna gran parte, non pa inversión productiva, sinón, a la so vegada, pa pagar el paru.
Estos datos son la evidencia del fracasu del Gobiernu socialista na xestión del estáu y la más palmaria manifestación, vamos decilo otra vegada, de que si los socialistes nun son tol problema, son, dende llueu, parte d'él y, en ningún casu, la solución del mesmu.
Pero hai otra cuestión mui importante: ¿Cómo se puede falar de "estáu lliberal", "neolliberalismu", "dictadura los mercaos", "capitalismu selvaxe", y otros rutios ideolóxicos d'esa mena a los que nos tienen avezaos los discursos burguesprogresistes, si l'Estáu remana ("ye propietariu", "xestiona", "retién", como se quiera decir según la perpectiva) de casi la metada de la tola riqueza producida n'España?
3 comentarios:
Si, un porcentaxe bastante mayor por exemplu del GLUPS! comunista Vietnam que solo tien un 37% ...
y eso ye solo una parte de la hestoria ,,, que l'estau nun ta precisamente ausente nel 54% restante, ya que remanalu directa o indirectamente, prohibelu, toleralu , subvencionalu , gravalu con impuestos o dicta quien puede y quien non puede ... de los estancos a los taxis, de la prohibicion de les droges a les normes de apertura de comercios ,,, la visible mano del gobiernu siempre ta presente.
Saludos
Paezme que s'escaez esto a costafecha: «Desde el año 2007, el peso del gasto público ha ido aumentando gradualmente en el conjunto
de países de la OCDE. El promedio que se situaba en un 39,9% en 2007 ha pasado a un 44,8% en
2009 y se mantendrá en esa cifra durante el ejercicio 2010».
http://www.ieemadrid.es/modulo/upload/1_1269426165.pdf
O esto
http://www.vnavarro.org/?p=4268#more-4268
Anque nun esperaba menos d'esti blog.
Un saludu
Los rutios ideolóxicos son precisamente'l neolliberalismu, la dictadura de los mercaos y el capitalismu selvaxe.
El rutiu cháronnoslu en focicu cuando salieron a rescatar al capital financieru. Pa que depués d'ayudalu venga a desixir que recortemos el déficit.
Pero claro, esi analís debe ser burguesprogresista. Pero bueno, toi con Cabornu, tampoco diba esperar otra cosa nesti blog.
Publicar un comentario