- Tema'l día: CAZA y PESCA
- Tema'l día: EMPLÉU
- Tema'l día: INTERNACIONALIZACIÓN y IDENTIDÁ
- Tema'l día: CULTURA
- Tema'l día: SERVICIOS SOCIALES
- Tema'l día: MODERNIZACIÓN
- Tema'l día: SALÚ
- Tema'l día: AUTÓNOMOS y PEQUEÑU COMERCIU
- Tema'l día: LLIBERTÁ
- Tema'l día: EMPLÉU PÚBLICU
- Tema'l día: ESTATUTU D'AUTONOMÍA
- Tema'l día: PROFESORÁU
- Tema'l día: BALANCE FINAL de campaña
Tema'l día: CAZA y PESCA
Nel VÍDIU de güei comento que vemos tolos díes como l'alministración solo piensa en prohibir, poner restricciones y persiguir al ciudadanu en tolos ámbitos. Y la caza y la pesca son unes víctimes típiques.
UNIÓN URAS-PAS piensa que respetando'l mediuambiente, les vedes correspondientes, les talles, les especies, etc. etc... hai qu'entamar un dialogu coles diverses asociaciones de pescadores y cazadores pa meyorar les condiciones de disfrute de la naturaleza y d'ociu de los ciudadanos y evitar situaciones tan absurdes como la prohibición de la pesca deportiva de xarda (ente otres).
Pa nun ignorar la realidá, pa mantener la vida tradicional asturiana, pa nun perseguir a los ciudadanos, p'acabar coles maníes y ocurrencies, y pa nun tener una alministración servil a los dictaos de Madrid.... y porque NOSOTROS NUNCA ROBAMOS pedimos el votu pa UNIÓN URAS-PAS
Tema'l día: EMPLÉU
Nel VÍDIU de güei comento que nuestro primer compromisu ye col empléu, otros dicen mesmo pero ningún d'ellos lleva premiando a las mejores empreses asturianes, como nosotros llevamos faciendolo durante 20 años.
Y amás nosotros tenemos l'aval de los 20.000 empleos creaos en 4 años, cuando pactamos col gobiernu de Sergio Marqués.
Pa ello, tenemos qu'ufiertar suelu industrial, abaratalu, axilizar los tramites, desaniciar obstaculos alministrativos, etc etc...
Pero sobretou, subvencionar tolos empleos, dende el primer empleau que crée un autónomu, porque ye ehí onde va crease la mayor masa de puestos de trabayu.
Col mesmu criteriu, ayudaremos a crear pequeñísimes empreses d'autónomos, pa los que s'incorporen al mercáu llaboral, o pa los que quieran salir del paru per esta vía.
Y tamién vamos crear un aval solidariu ente varios bancos para facer fluyir el créditu con esti obxetivu, tal y como ya ficimos nos pactos presupuestarios col gobiernu de Sergio Marqués nel so día.
Y con estes medides creemos posible crear na llexislatura una modesta, pero importante cifra de 15.000 puestos de trabayu ... y poner la vista nun futuro cercanu qu'algame una población activa alrodiu de les 500.000 persones.
Desengáñense sobre la situación actual, busquen nel mio blog (o nos mios artículos de prensa), y verán como a finales del 2008, principios del 2009 predixe la llarga duración de la crisis.
Tema'l día: INTERNACIONALIZACIÓN y IDENTIDÁ
Nel vídiu de güei comento la nuestra priridá de crear 15.000 empleos nesta llexislatura. Podemos facelo. Ya lo ficimos nel so día nos pactos presupuestarios col gobiernu de Sergio Marques, nos que llegamos a crear 20.000 puestos de trabayu en 4 años.
Pa ello, ye fundamental la INTERNACIONALZIACIÓN de la nuestra economía, ye decir, ponenos nel mundu actual y a la vez convertir en esportadores les nuestres empreses. Y equí hai un elementu políticu que nos distingue de tolos demás: NOSOTROS QUEREMOS ASTURIANOS, capital asturianu y capitalistes asturianos, porque ello siempre acaba revirtiendo n'Asturies.
Y l'otru puntu fundamental ye mantener la nuestra IDENTIDÁ asturiana en tolos aspectos. Nun puede ser que siendo los mayores productores de sidra, la fama y el comerciu acapárenla los vascos. Y ye absurdo tar, collaborar, y pagar les campañes turistiques de "Sol y Toros" o "España Verde" ... cuando la nuestra economía turística tien que sustentase en que tenemos un productu distintu y únicu: somos la resistencia de la sociedá occidental al avance l'islam, tenemos un arte propiu y únicu nel mundu, etc etc..
Con estos pegollos d'INTERNACIONALIZACIÓN y caltenimientu de la nuestra IDENTIDÁ ye colos que pretendemos cambiar les pespectives d'esperanza pal futuru inmediatu.
Tema'l día: CULTURA
Nel vídiu de güei comento qu'en cultura nun necesitamos ningún aval, tenemos una trayectoria conocida por toos:
- L'artículu 4 del Estatutu ye una iniciativa personal mia
- El Partíu Asturianista (PAS) siempre denfendió dende'l so nacimientu l'asturianu
- La Llei d'Usu y Promoción -la única llei que tutela la llingua como tala- ye nuestra, pactada col gobiernu Sergio Marqués, esto ye, cola URAS
- Yo tamién entamé la Selmana les Lletres y los premios del Gobiernu Asturianu a los escritores.
- Dotamos de presupuestu a los primeros mercaos populares asturianos
- Subvencionamos los grupos folcloricos, tonada, ect
- Punximos el nome del Museo Etnograficu del PueblU d'Asturies, promovimos les primeras escueles de música tradicional, llevamos la música asturiana al conservatoriu, ... y un llargu etc.
Y seguimos colos mesmos compromisos coles nuestres señes d'identidá asturiana: llingua, musica, paisaxe, arquitectura, etc etc
Pero tamién quiero recordar equí, que foi iniciativa mía: el Museu de Belles Artes d'Asturies y dalgunes de les primeres "modernes" escavaciones del nuestru patrimoniu arqueolóxicu, por poner solo dos exemplos.
Por ello pensamos que toda, absolutamento toda la cultura, también la cultura en castellano, la creativa de pintores, escultores, músicos...toda ella debe ser una seña de mordernidá d'Asturies, que nos permita identificanos y proyectanos nel esterior.
Y con tou esto, construyir una potente industria cultural propia (onde la RTPA tien que tener un papel fundamental) que nos faiga un país más prosperu y más ricu.
Tema'l día: SERVICIOS SOCIALES
Nel vídiu de güei comento qu'en servicios sociales: pensiones, prestación del desempléu, enseñanza, sanidá ...AFIRMAMOS CON ROTUNDIDÁ que naide va dir más allá que nosotros na tutela de los derechos sociales. Yo personanalmente y UNIÓN URAS-PAS consideramos que l'Estáu de Bienestar ye un elementu básicu de la nuestra sociedá.
Y esti compromisu decidiu y ensin ambigüedaes, nun almite inxusticies sociales, como les d'eses típiques estafes en chiringuitos al rodiu del poder nin tampoco el permitir vivir del trabayu de los demás (sin ningún motivu más que la falta de voluntá pa trabayar).
Repito l'Estáu de Bienestar ye'l sustento de la democracía y de la vida occidental.
Y esto ye porque nosotros creemos n'ustedes, y ustedes votennos pa defender los sos intereses asturianos (proritariamente). Y non los intereses de Cataluña, Valencia, Andalucia...como faen los otros partidos, que traicionen una y otra vez los intereses de tolos asturianos pa mantener el so poder y el so negociu (mayormente fuera d'Asturies).
Tema'l día: MODERNIZACIÓN
Nel vídiu de güei comento qu'un de los conceptos claves pa camudar les coses, pa qu'Asturies seya otra cosa, pa crear puestos de trabayu, p'ameyorar l'empleu y los salarios, pa que los nuestros fios nun tengan qu'emigrar, o ten en casa hasta los 30 años, pa poder pagar les pesiones... ye la modernizacion
Modernizacion de les empreses, usando les nueves tecnoloxies, nuevos inventos, nuevos diseños, etc
Pero la diferencia qu'imponemos nosotros (con respeto a tolos demás), ye que tenemos la intención de sacudinos les "cazcarries ideoloxiques y mentales" que nos imponen los demás partios. Porque tamos nel añu 2011, y eso ye inevitable.
Hai qu'entender que nun vamos (nin podemos) volver al econommatu, a la gran empresa pública, a la fabricona de 30.000 trabayadores ...eso nun esiste, ninva a esistir, nin puede esistir. Entender esto, ye la modernización
Y tamién ye modernu respetar la nuestra identidá, defender tola nuestra tracicion, cultura, llingua .... eso ye moderno, lo provinciano, lo antiguo, lo pasáu ye despreciar lo que somos, y menospreciar lo asturianu.
La modernidá implica avances industriales, de diseñu, de software, pero tamién quitanos l'antiAsturies que nos meten na cabeza, y l'autodesprecio que nos enseñen.
El futuru pasa querernos y tar orgullosos de ser quienes somos, y proyectanos al esterior y al futuru.
Porque a la final, si lo piensen bien, ya saben lo que yos tan dicendo tolos demás partios políticos.......
Tema'l día: SALÚ
Nel vídiu de güei comento dalgunos aspectos de la salú que nun s'avecen a mecionar ... como por exemplu, el ruíu.
El ruíu ye causante de munches molesties a la salú (inclusu llega a interfirir col derechu a la propiedá), nosotros comprometémonos a facer una llei de RUIDOS, que garantice'l descansu, la tranquilidá, y la propiedá privada.
Tamién actuaremos decididamente na contaminación atmosférica.
¿Y como nun recordar nesti apartáu que ....? aunque ustedes paguen el canón de saneamientu la mayor parte d'Asturies ta chando les agües residuales directamente al mar, y eso que dende'l añu 2000 hai mandatu imperativu de la Unión Europea pa que tolos vertios a riu o mar ten depuraos.
Recordemos la depuradora de Xixon, cuando nel 1991 con abonda parafernalia periodística el Sr.Borrell (ministru), don Pedro de Silva (presidente d'Asturies), y el Sr. Areces (alcalde de Xixón) firmaron el compromisu pa sanear toles agues de Xixón en 6 años. Tamos nel 2011 y nun hai nada d'eso y nun lu va haber nos prósimos años.
Eos si... de xemes en cuando planten unos arbolinos, ponen unes bicicletes, o fain unes pistes ... mientres siguimos teniendo les ciudaes más ruidoses y más contaminaes d'España
Inclusos hai varies depuradores pagaes y que tan paraes .... y que nosotros vamos poner en marcha.
Tamién actuaremos n'otros aspectos mas clásicos de la sanidá, como por exemplu pa que los enfermos crónicos nun pierdan el tiempu (l'enfermu, y el medidu, ...) nel trámite de les recetes. Y lo mesmo nel casu asemeyáu de los afiliaos a MUFACE.
Esto ye una forma cenciella d'abaratar costos, y aforrar tiempu a enfermos, enfermeros, medicos ....ect
Tema'l día: AUTÓNOMOS y PEQUEÑU COMERCIU
Nel vídiu de güei comento dalgunes de les nuestres propuestes p'autónomos y pequeñu comerciu (que curiosamente coinciden con dalguna propuesta sindical).
Pero recordemos primeru dalgunos datos:
- Somos l'unicu partiu d'España que vien dando premiu a la meyor empresa (20 años)...reconociendo'l so esfuerzu y el so trabayu.
- Y que fuimos el primer partíu politicu (el PAS) que propuso igualar el rexime de los autónomos al rexime xeneral de la seguridá social (oponiendose y votando en contra tolso demás partios: PP, PSOE, IU).
- Y el Partíu Asturianista (PAS) llogró nos pactos con Sergio Marqués la primera rebaxa de IAE.
Y tou esto porque nosotros apostamos pol capital asturianu, porque si una persona crea una empresa n'Asturies, el dineru, el trabayu, la riqueza quedará n'Asturies ...y non en Madrid, o Qatar
Por esto, amás de les ayudes a la contratación dende'l primer contratu, queremos modificar el actual criteriu de resentatividá: acaberemos col criteriu primoriverista onde tolo mangonéen unos pocos (grandes y poderosos), y crearemos conseyos onde tengan verdadera representacion los pequeños comerciantes, autonomos, etc...
Tema'l día: LLIBERTÁ
Nel vídiu de güei pregunto-yos ¿Si son conscientes de la falta de llibertá esistente na sociedá pese a la apariencia "oficial"?
Hai muncha xente que nun s'atreven a dicir coses porque tien una subvención pendiente, ta p'abrir un negociu, el fiu ta en trámites d'un trabayucu de 3 meses nel Ayuntamientu, tan pendientes de la vivienda social... y neses circunstancies ye mui mala cosa discrepar del Ayuntamientu, del sindicatu, en definitiva enfrentase a la mayoria que controla Asturies.
Nun ser un adictu al réxime, puede traer más inspecciones, más trámites, más retrasos...
La xeneralización del abusu del poder, el so aprovechamientu, los favores a amigos y prósimos .... ensin llegar a ser causa penal, ye profundamente inmoral.
Y al tiempu ye una de les causes gastu públicu escesivu, col únicu fin d'atropar votos. Eses comides pagaes o subvecionaes, esos voladores pa celebraciones, esos cambios innecesarios y repetios una y otra vez de faroles o aceres, ye un despilfarru, ye una estafa y ye un de los motivos del desempleu, de la rebaxa de los sueldos de los funcionarios, de les pensiones conxelaes, ...etc etc
Y ye precisamente equí onde los políticos tienen que ser modelu y exemplu.
UNIÓN URAS-PAS dará un pasu al frente, los nuestros representantes renunciarán a absurdeces como'l Volkswagen Phaeton, y otres asemeyaes... y seremos exemplu de contención del gastu y d'austeridá económica.
Tema'l día: EMPLÉU PÚBLICU
Nel vídiu de güei destaco qu'una de les coses cencielles que pueden facer les alministraciones públiques (con voluntá) ye cambiar la filosofía del empléu públicu
¿cuántes sentencies condenatories hai a los ayuntamientos o al gobiernu asturianu? pola illegalidá de les sos contrataciones de trabayadores.
Estes condenes, amás de demostrar un pésimu trabayu y capacidá, ponen n'evidencia alcuerdos pa favorecer a persones afines, prósimes, o en definitiva adeptas al réxime.
Esta apropiacion del empléu públicu (en definitiva, del estáu) tien qu'acabar radicalmente.
L'empléu públicu debe rexise polos criterios de méritu, capacidá y llibertá.
La gran disposición de dineru públicu xestionáu poles adminsitraciones de manera arbitraria convierte en temeroses al poder a les persones más necesitaes de recursos, que dependen del favor de los "actuales" caciques.
Ye un compromidu esplícitu d'UNIÓN URAS-PAS acabar con esta apropiación del estáu en favor d'amigos, familiares, prósimos, en favor de los que s'agachen , de los que s'humillen...en definitiva a los adeptos al réxime.
Transparencia, concurrencia universal, meritu y capacida serán los únicos valores dUNIÓN URAS-PAS pa trabayar n'alministración.
Tema'l día: ESTATUTU D'AUTONOMÍA
Nel vídiu de güei señalo que ta acabando la campaña electoral, y darianse cuenta que naide faló del estatutu d'autonomía. En realidá lleven años ensin falar d'ello (tola llexislatura), naide faló nin de la reforma estututaria, nin de les competencies, nin de la financiación d'Asturies.
El tema ye un materia árida, fea y aparentemente lloñe del ciudadanu, pero de muncha importancia.
Y los partios dependientes y serviles a Madrid nun falen d'ello, porque como avezan traicionen a los asturianos siempre y en toda ocasion, y nesti casu (una vegada más) punxieron los sos votos asturianos al serviciu d'otros intereses (y escontras vustedes): Traicionaron a Asturies y a vustedes col nuevu sistema de financiacion, PSOE+IU nel estatutu de Cataluña, pero'l PP tamién en Valencia cola clausula Camps, y toos xuntos en Andalucía, Baleares....
Nestos estatutos aprobaos por PSOE+PP+IU repartieron ente eses comunidaes más de 50% del dineru que l'estau dedica a les comunidaes autónomes en materia d'infraestructures.
Incluso hai casos especialmente sangrantes, como la potestá concedida a los catalenes pa decidir sobre lo que ustedes "probes asturianos" pueden recibir...
PSOE+PP+IU los engañaron, los traicionaron, y los votos asturianos usáronlos pa apuñalalos.
¿recuerden cuando.....les sucursales del PP y del PSOE n'Asturies decíen lo importante y urxente que yera la reforma del estatutu, y la so másima importancia pa financiar Asturies?
Pos asina quedamos: cola indignidá política de ser menos que otros ciudadanos d'España, peor financiación que los demás.
Y tou esto, recuerden que nosotros llevamos diciendolu dende 1986, desixendo y reclamando la igualdá coles demás autonomíes.
Notoros comprométemonos a:
- Lluchar, y trabayar pa nun ser menos que naide. Los asturianos nun somos más que naide, nin pedimos privilexos, pero nun aceptaremos enxamas ser menos que cualisquier otru ciudadanu del estáu español.
- Una financiación adecuada. ¿Y por qué non? si nos interesa, y ye afayadizu un conciertu económicu como tienen los vascos y piden agora los catalanes.
- Y por supuestu, los mesmos derechos políticos que les otros comunidaes que ya tienen reformaos los sos estatutos (dende hai años).
NUNCA MENOS QUE LOS DEMÁS.
Tema'l día: PROFESORÁU
Nel vídiu de güei quiero, como profesor que soi, defender la dignidá del profesoráu.
Entiendo que l'alministración tien qu'ayudar a los profesores y nun acosalos nin sometelos a situaciones penoses nel so trabayu. Pa ello seguramente habrá que cambiar coses, como por exemplu la llei de derechos y deberes de los alumnos, habrá que dotar d'autoridá al profesoráu, pero sobretou y PRINCIPALMENTE hai que quitar burocracia, reuniones inutiles, y papeleu absurdu...
Porque añu tres añu aumenten les tarées inutiles y les hores ocupaes en coses improductives, perdiendo tiempu y humor....
Pa ello ye fundamental que'l papel "principal" de la inspección nun seya persiguir y/o vixilar al profesoráu, sinon más bien ayudar y dignificar la profesión.
Y en xeneral esta idea de menos papeleu, menos vueltes, menos hores perdies, menos trabayu absurdu ye plenamente aplicable a la mayor parte del funcionariu.
Tema'l día: BALANCE FINAL de campaña
Nel vídiu de güei faigo l'últimu comentariu d'esta campaña electoral.
Recuerdo-yos que la nuestra másima prioridá ye l'empléu. Tenemos que, y vamos a crear, unos 15.000 puestos de trabayo nos prósimos 4 años, y poner la vista nun futuru cercanu con una población activa de 500.000 persones. Esto ye lo más urxente, lo más prioritariu, lo más necesariu.
Ya lo ficimos una vez y tenemos esperiencia. Nos pactos presupuestarios con Sergio Marqués creáronse 20.000 trabayos na llexislatura y baxose de los 50.000 paraos. Agora usaremos dalgunes d'aquelles medides que tan bon ésitu dieron: aval corporativu ente varios bancos y el Principáu, subvención de tolos empleos dende'l primeru que se crée, abaratamientu del suelu industrial .... y otres nueves qu'espliqué estos díes de campaña: abrir toles negociaciones a los más pequeños (abandonando'l modelu primorriverista actual), facer de la cultura una industria, modernización de procesos, empreses y sobretóu d'actitudes ....etc etc ... pueden lleer munches d'elles nel mio blog (www.xuanxose.net).
Y vustedes saben que, amás de tener esperiencia, creemos n'ello: llevamos 20 años premiando a la meyor empresa asturiana, fuimos los primeros en rebaxar el IAE, los primeros del estáu español en solicitar la equiparación de los autónomos al réxime xeneral de la seguridá social .... etc etc
Y tou esti saber, esperiencia y enfotu lo destinaremos a crear trabayu, riqueza y texidu industrial n'Asturies.
Pero nun vamos escaecer que somos asturianos, y que los asturianos nos voten pa meyorar y pa defendelos: NUN aceptaremos qu'Asturies sea menos que naide y nun permitiremos que los intereses d'Asturies se vendan o s'intercambien por obres, gobiernos, intereses de Cataluña, Andalucía, Valencia... o Madrid
NUN usaremos los sus votos para apuñalaos pela espalda, como tan faciendo continuamente los partidos sucursalistes de Madrid (una y otra vez).
Nun somos más que naide, pero NUN SOMOS MENOS que ningún otru ciudadanu del estáu español, y nun lo permitiremos.
Como políticos pondrémonos al frente y daremos exemplu d'austeridá y contención del gastu, nestes dificiles circunstancies.
Por tou ello, porque creemos n'Asturies y nos asturianos, porque nun vamos traicionar el so votu, porque tenemos esperiencia, porque llevamos cuasi 30 años defendiendo ensin desmayu los intereses d'Asturies y los asturianos, y porque NOSOTROS NUNCA ROBAMOS, pido'l so votu pa UNIÓN URAS-PAS.
No hay comentarios:
Publicar un comentario