Acabóse'l misteriu

Dende fai unes tres o cuatro selmanes acabóse'l misteriu los túneles de Fabares. Yá se pue circular a una velocidá normal, y yá nun ta tol día afuera'l túnel aquel coche de xuguete con playmóbil dientro, bueno o que lo paecía.

Asina que yá s'acabó'l misteriu y finaren les incomodidaes. Estupendo.

Esti yera'l testu la "denuncia" del 27/11/16.


Conócenlu tolos que circulen dende Xixón a Villaviciosa, Colunga, Llanes o Santander, y, por supuestu, tolos que faen el recorridu inversu:

Dende xunu los túneles de Niévares, na A-8 tienen llimitada la velocidá a 70 Km hora. Nun se ve nin un solu operariu, a dala hora, en tolos túneles. Eso sí, les llumes tán enceses.

A la salida, na dirección Xixón-Grases, ta siempre puestu lo que yo creo que ye un coche de xuguete, un playmóbil, siempre blancu, siempre nel mesmu llugar. Y dientro ta un paisanucu que tampoco se mueve, na mesma postura siempre, cola cabeza un daqué abangada hacia alantre, un paisanucu que yo creo tamién que ye un playmóbil.

¡Dende mayu, y nin un solu movimientu a dala hora! ¡Nada más que'l coche y el paisanucu playmobvil! ¿Cuálu ye'l misteriu?