Frases fates

Toi hasta los tolanos destes dos frase fates (y repetíes a toes hores):

(Los informativos de radio y televisión) "Estaremos mui atentos a..." Por exemplu, a un debate nel Parlamentu, a los mancaos nun accidente, a les informaciones sobre un partíu fútbol.

¿Nun bastará con que tean atentos? Ye más, ¿nun abondará con que nos informen, ensin falta de que tean peratentos? ¿O que ye, que si nun lo dicen van tar apigaciando ensin enterase de les noticies que-yos van llegando?

(A los muertos) "Onde quiera que teas / Donde quiera que estés". ¿Qué ye, que nun saben aú lu/la enterraron? Pues a ver si tán "mui atentos".

Y si ye que sí lo saben y lo que pasa ye que son creyentes relixosos, pues tará'l difuntu nel Cielu o nel Infiernu (nun sé si existe entá'l Pulgatoriu). Nos dos casos nun habrá nada que facer yá por él.