Dende Roma hasta internet

DENDE ROMA HASTA INTERNET (SEIS VISIONES D’ASTURIES) Editáu nel 2000 pola Fundación Nueva Asturies, recueye siete conferencies que se dieren na sede la Fundación. Cooficialidá: regulación y efectos llegales, por Xesús Cañedo Valle. Un contrato agrario medieval: el contrato de foro, por Xuan Pertierra Argiz. Reflexiones sobre un modelo mixto en el estado del bienestar, por Enrique Fernández Garrido. Les nueves tecnoloxíes de la comunicación: la so importancia p’Asturies, por Lluis Ánxel Núñez Enríquez. La nación que pudiemos ser. Reflesiones sobre la etnia y la nación, por Pablo San Martín Antuña. Sobre’l mediu ambiente, por José Manuel Rodríguez García. Siguen siendo toes interesantes, dalguna con aportaciones que nun se topen n’otros sitios. Por ciertu, na conferencia de José Manuel recuéyese que cuatro “reserves parciales”, Cueva de les Caldes, Cueva del Sidrón, Cueva Rosa y Cueva del Lloviu, tán nel PORNA a propuesta del PAS, una más de les munches aportaciones que ficimos a los asturianos, en mediu ambiente, n’empléu, en comunicaciones y carreteres…, durante la nuestra presencia na Xunta Xeneral. Aprovechamos pe recordar la memoria dolida de Xesús Cañedo Valle y Xuan Pertierra Argiz.