XXI Fiesta de la oficialidá en Bimenes

Les novedaes d'esti añu fueren dos: La denomación, a propuesta del PAS, el partíu que tien l'alcaldía, de la plaza del Ayuntamientu como Plaza de Miranda del Douro (llocalidá cola que Bimenes ta axermanada, y na que l'asturianu (modalidá mirandesa) ye oficial). La segunda, l'aprobación d'un reglamentu (ordenances) d'usu del asturianu énte l'alministración por parte los ciudadanos. El reglamentu (ordenances) aprobóse por unanimidá de tolos conceyales. 

Les semeyes, la placa la plaza desvelada pol alcalde Bimenes, Aitor García Corte, y pol de Miranda do Douro, Artur Nunes, abaxu. Les otres dos: los conceyales del plenu, cola secretaria al delláu de l'alcalde, Aitor García Corte, co vestíu asturianu. D'asturianu tamién María Menéndez, conceyala del PAS, que fexo la propuesta de la denomación de la plaza. Enriba, l'escritu que lleó María Menéndez.

Fiesta de la Oficialidá en Bimenes

Esti sábadu, 6, celébrase en Bimenes la llamada "Fiesta de la Oficialidá", que ye fundamentalmente una manifestación de la voluntá de ser y esistir en relación col asturianu.

La organización, l'esfuerzu y l'entusiasmu llévalos fundamentalmente Aitor García Corte, el conceyal del PAS, como años enantes los llevó José Antonio Menéndez Fernández, Toño, l'otru conceyal del PAS que nel conceyu yerbatu tuviemos y Secretariu Xeneral de Bimenes güei.

Perillí vo andar, na mañana del sábadu. Invítolos, por ciertu, a dexase caer pela fiesta.

Fiesta de la cooficialidá en Bimenes

Esti sábadu, 6, celébrase en Bimenes la llamada "Fiesta de la Oficialidá", que ye fundamentalmente una manifestación de la voluntá de ser y esistir en relación col asturianu.

La organización, l'esfuerzu y l'entusiasmu llévalos fundamentalmente Aitor García Corte, el conceyal del PAS, como años enantes los llevó José Antonio Menéndez Fernández, Toño, l'otru conceyal del PAS que nel conceyu yerbatu tuviemos y Secretariu Xeneral de Bimenes güei.

Perillí vo andar, na mañana del sábadu. Invítolos, por ciertu, a dexase caer pela fiesta.