El blog de Xuan Xosé: PGOU

Con esa mentalidá esproncediana que tienen munchos socialistes ("Que yo tengo aquí por mío / cuanto abarca el mar bravío, / a quien nadie puso leyes"), los socialistes xixoneses (y los sos palafreneros d'IU) van, plan tres plan, metiéndose n'enguedeyos llegales y atropellando derechos individuales. Asina sucedió cola anterior redacción del PLAN XENERAL D'ORDENACIÓN URBANA y lo mesmo sucede cola nueva redacción, onde programen l'espoliu d'El Muselín y onde tienen entamáu un bon barullu (¡sí, tamién otra vegada más) na zona El Piles.

Pa mayor amplitú, pueden pinchar equí:

(El comercio 16/11/2010) El Ayuntamiento recurrirá la paralización judicial de la Ería del Piles

(El comercio 16/11/2010) Los vecinos de la Ería defienden el proyecto alternativo que mantendría sus viviendas

(semeya de Paloma Ucha pa El Comercio)

Lo de l`anulación del PGOU pol TSJA constituye un nuevu escándalu xudicial nel Ayuntamientu Xixón. Nesti casu, amás, la cuestión ye munchu más grave por dos razones: pon en peligru munchos bienes, munchos empleos y munches tranquilidaes; demuestra que la mayoría socialista-estradista desprecia dafechu la llei, porque ¿cuántos informes en contra nun teníen enantes de decidir tirar pela cai del mediu y esperar que nun pasare nada? Yá se ve que, pa socialistes y comunistes amarutaos, la llei nun tien ningún valor.

De pasu, too ello vien echar más sospeches enriba un plan que taba yà enllenu d`elles. Pero d`eso vamos falar otru día.

Agora lo que quiero señalar ye l`episodiu más cómicu, que paez de monólogu: la salida a la calle de don Jesús Morales que, amás de chase enriba él tola culpa (¿los demás nun votaben?, ¿los demás callaren como afogaos? ¿los demás nun teníen opinión? ¿los demás nun taben?), acusa a los primeros recurrentes triunfantes de que "buscaban su propio beneficio". ¿Entós que ye? ¿Van buscar el de don Jesús? ¿O ye que ta prohibío defendese o buscar el beneficiu propiu? ¿O ye que PSOE y IU nun buscaben el beneficio propiu (polo menos el de los votos y los sueldos y el poder a ellos arreyaos) cuando axitaben l`espantayu de l`ínterés social pa espropiar a los ciudadanos y facese así con unos votos a costa de los espropiaos?