Una amiga dizme que ta relleendo ún de los cuentos d'Azurriángamelamelonga, una colección de cuentos de mio que publicara Trabe nel 2011. En concretu anímame a relleer El sabor de les palabres / divines palabres.
Póngome a relleelu y descubro un gran cuentu, onde s'entemecen ironía, imaxinación, complexidá na escritura, erotismu y burlla de lo que llamamos "el llinguaxe de lo políticamente correcto".
De pasu, torno relleer el restu los cuentos, dellos con un biltu na tradición cuentística, escrita o oral, asturiana. Dellos, sofitaos n'anécdotes reales.
Pues bien, invítovos a lleelu si nun lu visteis. A relleelu, en casu contrariu.
Va prestavos un montón.
