Fumaria

Como tolos principios d'añu, la fumaria apoderándose de les veres de les muries y los praos.

Fumaria capreolata

Fumaria capreolata L. de la familia de les Fumariácees. Ye una hierba glabra, de tellu trepador o rastreru, qu'algama los 100 cm de altura. Presenta fueyes plurillobulaes de segmentos llanceolaos, alternes. Les flores son blanques, con dos sépalos petaloides semitresparentes y l'ápice d' intensu color púrpura. Estrema de la Fumaria officinalis (ver ensiertu del 09/04/12), ente otres coses, en que nesta les flores son de color rosaceu o purpureu. Nestes semeyes puede vese'l contraste ente la Fumaria capreolata (blanca, coles puntes escures) y la officinalis, purpúrea o rosada.

Críase en güertes, praos, murios y sucos de toa Asturies. Bayurosa. Florez d'abril a xunu.

Semeyes del 07/04/12, en La Torre, Güerres.

fumaria officinalis (II)

Fumaria officinalis, de les Papaverácees. Les semeyes, en Morís, La Miñota, el 28/03/12.

Fumaria officinalis

Fumaria officinalis, planta herbácea anual, de la familia les Papaverácees. En castellán llámase "sangre de Cristo". Ye una herba glabra, de tallu erectu y bien ramificáu. Haila perayures y algama los  50 cm d'altura. Presenta fueyes pinnaticompuestes, alternes, colos caberos folíolos casi lliniares. Al entamu la primavera forma inflorescencies en recimos terminales d'una docena de flores zigomorfes, d' hasta 9 mm de llonxitú caún. Les flores tienen el cáliz formáu por dos sépalos pequeños, de color rosáceu y l'estremu de color violáu, ovaos, col borde dentáu, más angostos que la corola; ésta está compuesta por cuatro pétalos xuníos nel cumal pero llibres, de los cuales el superior prolóngase nun espolón.

Les semeyes, del 28/03/12