Fumaria officinalis, planta herbácea anual, de la familia les Papaverácees. En castellán llámase "sangre de Cristo". Ye una herba glabra, de tallu erectu y bien ramificáu. Haila perayures y algama los 50 cm d'altura. Presenta fueyes pinnaticompuestes, alternes, colos caberos folíolos casi lliniares. Al entamu la primavera forma inflorescencies en recimos terminales d'una docena de flores zigomorfes, d' hasta 9 mm de llonxitú caún. Les flores tienen el cáliz formáu por dos sépalos pequeños, de color rosáceu y l'estremu de color violáu, ovaos, col borde dentáu, más angostos que la corola; ésta está compuesta por cuatro pétalos xuníos nel cumal pero llibres, de los cuales el superior prolóngase nun espolón.
Les semeyes, del 28/03/12
No hay comentarios:
Publicar un comentario