Siéntese perayures dicir que la primavera vien esti añu retrasada. ¿Ye así? Pues puedo da-yos un datu: les semeyes qu'equí llanto son del 26/03/11 (sábadu), y recoyíen les primeres fueyes qu'entamaben salir nos pumares de La Miñota, Morís, lo que quier decir que, nesa fecha, teníen yá dalguna dómina más dende que desurdieren.
Esti añu non solo nun hai fueyines, sinón que los gromos (esa especie de plumina blanca peronde empiecen abrise los puyos) malapenes tán espoxigaos.
De toes formes, y como siempre, aportará la primavera.
No hay comentarios:
Publicar un comentario