Esti añu va tarde la floración, especialmente na marina

Por fin, la floración

Seroña, esti añu. Pongo equí brotos (rosa) y flores (blanques) de solarina. La solarina esti fin de selmana (les  semeyes son del domingu 12 de mayu) anda ente brotos y flores, con dalgunos árboles dormíos entovía. Lo raxao, más retrasao, ta nel rosa de los brotos los árboles que yá floriaren. La xuanina anda a dos andares: unos árboles tienen yá flor abierto, otros nun entamaren. La verdialona entamó yá fai tiempu, ta en flor pero escaso. La durona, tan seroño (tamos comiendo mazanes entovía güei, a 12 de mayu, y allanzarán otra selmana), nun tien ñicios, como ye natural.

Entama la floración los pumares

Con muchu retrasu, casi tres selmanes. Estes semeyes son del 14/05/12.

Lo raxao nun entamó, floriaren les primeres la verdialona y la teórica, camina la xuanina, va con más vagar la solarina.

Pumares nel entamu la floración

Con unes flores entovía en botón, p'abrir, y otres recién abiertes.

La Miñota, 01/04/11.