Solucionáu

Recuerden cuando s'entamó a falar del prósimu Festival Eróticu d'Asturies, y la conceyala d'Igualdá de Xixón, Begoña Fernández (PSOE), garantizó que dende la so área municipal:

«iban a velar para que cualquier difusión pública de este festival fuera respetuosa con la imagen de la mujer»

(ver ensiertu del 29/08/2010).

Pos ya ta solucionáu (ver El Comercio del 05/10/2010), la empresa organizadora ta acabante de llegar a un consensu col Ayuntamientu de Xixón y la Cámara de Comerciu pa camudar el cartel que tenien pensáu:



por esti otru:



Una solución a l'altura de la conceyala de la Muyer d'Avilés, Paula Bartolomé (PSOE) que calificó de «inadecuáu», «sesista» y «humillante pa les muyeres» el cartel del Festival de la Cerveza d'Avilés (ver ensiertu del 31/08/2010) :

La familia

Dempués de los datos del paru (recién asoleyaos), dempues d'una fuelga xeneral (recién fecha), ... el martes 05/10/2010 el secretariu xeneral d'UGT Asturies, Justo Rodríguez Braga, manifestó que Vicente Álvarez Areces:

«tiene cualificación para estar en el Ministerio de Trabajo o en otro»

«En el momento en el que estuviese disponible creo que sería una persona idónea para cualquier tipo de responsabilidad por encima de la tiene en estos momentos y además creo que algunos temas los resolvería de forma eficaz».

Y siguió comentando'l "mui importante" trabayu d'Areces nel Ayuntamientu de Xixón y na presidencia d'Asturies, y lo consideró un:

«líder nato que siente los problemas de la sociedad muy profundamente»

Lo positivu de ZP

Nun ye ciertu que siempre te chando escontra "ZP", simplemente señalo les coses que me parecen males y negatives (que desgraciadamente son amplia mayoría).

Pero cuando hai daqué de ZP interesante y positivu, nun tengo problema en reconocelu. Por exemplu sirva l'artículu de La Nueva España del 05/10/2010 para reconocer públicamente les bondaes y virtúes de ZP.

Humorada y mal tiempu

¿Danse cuenta de que dende hai meses non hai tiempu bonu en dalu sitiu? Da igual a ónde se vaya, Andalucía, Valencia, Ses Illes, Castiella: llueve y fai fríu, y si nun fai fríu llueve, y si non ñeva. ¿Qué pasó col bon tiempu?

Pues tiénenme contao que vieren a la Salgado y a la De la Vega, atapaes con pañoleta hasta la frente y rebozaes -que naide nun les conociere- con una paxmina, a la cola del Monte de Piedá de Caja Madrid. Polo visto lo que facíen yera empeñar el bon tiempu, pa dir tapando coles perres que se sacaren los furacos del presupuestu y los gastos del Gobiernu.

¿Pueden creelo? Bueno, d'esti Gobiernu espérase cualquier cosa, tan marafundiador él. En tou casu, la cosa paeza verosímil, porque lo que ye tiempu bonu, tiempu bonu, nun paez per ningún sitiu. Asina que si nun lu vendieren a una potencia estranxera ye que lu empeñaren, como diz el ruxerrux esi, que sitúa a dambes muyerines (digo lo de muyerines pola falta kilos) a la cola del Monte.

Asina, de pasu, collaboren colo de la memoria hestórica, porque si ellos (non los antepasaos d'elles, non, que fueren de los ganadores de la guerra civil), "ellos" digo, fueren "los del monte", elles son "les del monte".