El blog de Xuan Xosé

Morís: anémones

Anémones (Anemone) violeta en La Miñota, Morís, Güerres. El llunes 7 de febreru, hacia la una la tarde. Que-yos preste.

Votu per corréu / Voto por correo

0 comentarios

NORMES pal VOTU PER CORRÉU

(elecciones AUTONOMIQUES y MUNICIPALES del 22 de mayu de 2011)

HAI QUE DIXEBRAR TRES CASOS:

1) Aquellos que prevean nun poder dir a votar el día la votación.

2) Los desplazaos, esto ye, los que tan censaos n'Asturies pero tan viviendo (temporalmente o pa siempre) n'otru sitiu, incluyíos nesti casu los que tando censaos nun conceyu d'Asturies viven n'otru.

3) Los Residentes Ausentes, esto ye, los que viven nel extranxeru y tan incluyíos con esti calter nel Censu de Residentes Ausentes (CERA) .

LOS CASOS 1 Y 2 (DESPLAZAOS)

A) En XENERAL, estos dos casos siguen la mesma mecánica, que ye la que vien darréu:

A1) L'interesáu tendrá que PERSONASE (non val que vaiga otru por él) nuna Oficina de Correos, provistu del CARNÉ D'IDENTIDÁ (orixinal). Na Oficina de Correos apurriran-y unos impresos pa rellenar. La Oficina de Correos recueye los impresos, ya rellenaos, y envialos a la Oficina'l Censu.
PLAZU: dende'l 29 de marzu al 12 mayu (non apuréis el plazu, porque non lleguen les papeletes).
IMPORTANTE: nel impresu ha señalase'l DOMICILIU ACTUAL del interesáu (sinon, mandaran-y les papeletes al domiciliu que figure nel censu)

A2) La Oficina'l Censu mánda-y al interesáu, per corréu Certificáu, un sobre, colos siguientes documentos:
- un Certificáu d'Inxertamientu nel Censu Electoral
- les papeletes de toles candidatures que se presenten a les elecciones, y pa toles convocatories (Autonómiques y Municipales)
- sobres de votación, onde se meterán les papeletes escoyíes pol elector (nesti casu, les de UNIÓN URAS-PAS): una p'Autonómiques (salmón) y otra pa Municipales (blanca).
- un Sobre, llibre de franquéu

A3) L'interesáu, una vez que meta en cada sobre la papeleta del UNIÓN URAS-PAS d'igual color, meterá nel Sobre llibre de franquéu:
- el Certificáu d'Inxertamientu nel Censu Electoral
- los dos sobres de votación (salmón y blancu)
Darréu d'ello, cerrarálu y enviarálu certificáu (Correos), que lu remitirá a la Mesa Electoral correspondiente
PLAZU: hasta'l 18 mayu.

B) ESPECIALIDÁ pa les persones desplazaes en el extranxeru (estudiantes, trabayadores en contrates, etc) La mecánica ye asemeyada a l'anterior, pero:

B1) hai que tar inscritu en el Rexistru de Matrícula Consular como “no residentes”

B2) la solicitú del votu por corréu entrégase nes oficines consulares (l'impresu pue recoyese na oficina consular o descargase vía Internet, que parez lo más normal)

B3) l'envíu del votu pue facese bien por vía postal, bien entrégándolu na oficina consular

B4) la papeleta pa elecciones autonómiques vien en blancu, cada elector tien que poner les sigles del partíu al que vota (UNIÓN URAS-PAS, acordaivos)

CASU 3 (RESIDENTES AUSENTES NEL ESTRANXERU)

Talántese bien que falamos de persones que tean nel Censu de Residentes Ausentes (CERA), non d’aquellos que tean temporalmente viviendo nel estranxeru (que sería'l casu anterior)

A) AUTONÓMIQUES

El procedimientu modificose enforma nel 2011 (esta ye la primera convocatoria na que s’aplica):

A1) Hai que solicitar el votu por corréu anantes del 23 d'abril. La Oficina'l Censu remite d'oficiu l'impresu solicitú, en sin perxuiciu de que tea disponible nes oficines consulares, y de tar disponible por vía telemática (suponemos que nun enllace col Ministerio Asuntos Esteriores o la Oficina'l Censu). Lo más sensato parez descargalu vía Internet.

A2) La Oficina'l Censu mánda-y al elector: les papeletes y el sobre o sobres de votación; Certificáu d'Inscripción nel CERA; dos sobres, unu cola dirección de la Xunta Electoral (nesti casu, la d'Asturies), y otru cola dirección de la Oficina Consular onde tean inscritos.

A3) L'elector meterá la papeleta de Coalición UNIÓN URAS-PAS nel sobre (salmón); darréu, meterá esti sobre, xuntu col Certificáu d'Inscripción nel CERA y la fotocopia el carné d’identidá (o certificáu nacionalidá o certificáu inscripción nel Rexistru Consular) nel sobre cola dirección de la Xunta Electoral competente (pa nós, Asturies); esti sobre (¡¡por fin!!) meterálu en aquel que tien la dirección de la Oficina Consular d'onde dependa. A partir d'equí hai dos posibilidaes:
- A3.1) Mandálu por vía postal (certificada), anantes del 16 de mayu.
- A3.2) Depositalu nuna urna que s'instalará nes oficines consulares o en otros llugares habilitaos, ente'l 18 y el 20 de mayu (ambos inclusive).

D) ELECCIONES MUNICIPALES

Los censaos nel CERA nun tienen (reforma la Llei Electoral de 2011), repito, NUN TIENEN drechu a votu nes elecciones municipales.

CONSIDERACIÓN XENERAL PA TOLOS CASOS

Téngase en cuenta que los plazos nun son mui llargos, y que tantu el Serviciu de Correos comu la Oficina'l Censu tienen que facer esfuerzos estraordinarios p'atender los votos por correspondencia de toa Asturies. En consecuencia, RECOMIÉNDASE QU'ENTAINÉIS COLOS TRÁMITES, PONIÉNDOVOS A TRABAYAR DENDE'L DÍA SIGUIENTE A LA CONVOCATORIA ELECCIONES, QUE SERÁ EL 29 de marzo de 2011.

Dirección y teléfonu de la Oficina del Censu n'Asturies:
DELEGACIÓN PROVINCIAL DEL CENSO ELECTORAL
C/ General Elorza, 17, bajo
E 33071 UVIÉU/OVIEDO
ASTURIES
Tlf.: 98 520 78 56

NOSOTROS NUNCA ROBAMOS

0 comentarios

Esti fin de selmana vamos repartir 20.000 folletos como estos en Xixón. Per un llau ta l'emblema la campaña; pel otru, la semeya la nuestra candidata a l'Alcaldía de Xixón, Margarita Cabanas, y dalgunes propuestes electorales pal conceyu.

EL LEMA LA CAMPAÑA VA SER ESTI, EL DE LA ENTRADA:

NOSOTROS NUNCA ROBAMOS

Apruz la primavera: margarites xigantes de botón mariellu

0 comentarios

L'once de febreru de 2011. Margarites xigantes de botón mariellu. Morís, La Miñota, Güerres.

Entrevista en radiu Parpayuela

0 comentarios

Ver VIDIU:

El sector llecheru asturianu baxa pela primer vegada de 2.500 ganaderíes

0 comentarios

El sector llecheru asturianu baxa pela primer vegada de 2.500 ganaderíes (nel 1980 yeren 30.000). La cuota rexonal de llechi pasa de les 600.000 tonelaes en 2010, a 580.000 agora.

Pa más datos, ver: El sector lácteo asturiano baja por vez primera de las 2.500 ganaderías (La Nueva España del 21/03/2011)

Agora la pregunta que facíamos ayer: ¿creen que pa too esto nun tuvo influencia'l tratu que damos a los paisanos defendendo a los llobos más qu'a los paisanos, al paisaxe más qu'a los paisanos, al discursu benéficu-naturalista más qu'a los paisanos. (ver ensiertu d'ayer)

¿Que nun ye la única razón? Ye verdá, ¿pero nun ye una razón?

Carta de un lector de El Comercio

0 comentarios

Un lector de El Comercio, Santiago Hevia García, publicaba esta carta el viernes 18/03/11.

Le doy las gracias y la reproduzco aquí. Cuánta verdad encierra, desde mi punto de vista. O, mejor aún, encierra LA VERDAD, TODA LA VERDAD Y NADA MÁS QUE LA VERDAD.

Un sitio para Asturias

Todos los intentos por tomarnos en serio han fracasado. Por ahora. Asturias sigue sin visibilidad. Por ahora. Pero yo les invito a que esto cambie. La que fue nación durante dos siglos tiene en justicia que levantar cabeza. No podemos tomarnos a chirigota y esperar siempre sobrevivir de chiripa o que nos salgan los hijos gays, y a medrar. Por eso, es momento de votar en clave asturiana, porque la broma ahora es tomarnos en serio. En medio de toda esta pantomima, el Partido Asturianista (PAS) nos ha dicho siempre la verdad y ha influido en gestiones, por otra parte, excelentes como la de Areces. Ha sido un vigía cuando no había esperanza y cuando Asturias era un feto mal parido. Denles un manotazo a los verdugos de la libertad.

Santiago Hevia García en El Comercio del 18/03/2011

Xixón: garza rial

0 comentarios

Llevaba díes asistiando pa captala, pero o escaba en cuentes me veía o llegaba yo tarde o nun taba. Captela fai más dún mes pero, mui temprana la hora, les semeyes yeren permales, pola falta llume.

Equí ta, posada en ríu, primero, y llevantando'l vuelu dempués, tres el primer disparu.

Una garza rial (Ardea cinerea).

La semeya, del 03/03/11, a les 8,10 de la mañana.

Que-yos preste.

El llobu, el meyor "amigu" del ganaderu

4 comentarios

Yá saben cuálu ye'l discursu oficial: "nun hai llobos, y los qu'hai nun son malapenes un problema pa los ganaderos y la ganadería". Bueno, l'oficial y el que podemos llamar el "benéficu-naturista". Agora, ensin embargu, resulta qu'hai que matar 47 llobos, y la cifra tien que ser, de xuru, un guarismu per baxu les necesidaes reales. En total, la marina ganadera asturiana sufrió 3.625 ataques l'añu pasáu y el pagu d'indemnizaciones reblagó perriba'l millón d'euros.

Si quieren más información pueden ver equí: El Principado prevé abatir 47 lobos (La Nueva España del 22/03/2011)

Por ciertu, ya sé que son llectores intelixentes y que nun necesiten ayuda pa sumar dos y dos. Con too y con ello, invítolos a abrir equi mesmo mañana a la mesma hora pa que vean l'otru sumandu.