Fai yá más de diez años que llamé a la autopista "Y", la caleyona, porque ye, en realidá, una vía interciudadana, con llimitaciones pa la incoporación de vehículos y ensin iluminación (que llevamos pidiendo dende fai casi venti años), pa la que vengo pidiendo -tamién fai décades- un desdoblamientu.
Pues bien, agora dellos "técnicos" vienen a facer propuestes que yo califico d`enlloquecedores o fates: facer un carril central con cambios de sentíu según les hores o según el tráficu. La única solución, ensin embargu, por razones tanto de tráficu como de seguridá, ye AUMENTAR A UN TERCER CARRIL ESTERNU Y AMEYORAR DRÁSTICAMENTE LOS ACCESOS A LA VÍA CENTRAL.
Afortunadamente, entamen sentise voces que rechacen dafechu la "solución" que paecen proponer el Gobiernu asturianau y el Gobiernu central, la del tercer carril únicu interior. Asina, los inxenieros de caminos (ver la Nueva del 07/07/09, páx. 23) "rechazan el plan para ampliar la "Y" porque resta seguridad a la vía" y que "congestionará más la autopista". Del mesmu mou afirmen que "prefieren el tercer carril por el exterior".
Por ciertu, paez que, más de quince años dempués de la primer petición nuestra p`allumar l`autopista, van ponese en marcha los allumamientos de dellos tramos. Si lo vemos ¿pa cuándo?
N.B. A propósitu, otru día falaré del disparate monumental de la nueva reglamentación de tráficu qu`impide superar los 120 per hora nin p`adelantar nes autopistes.
No hay comentarios:
Publicar un comentario