Agora resulta que, según Areces y la FSA, los auténticos ganadores del concursu interestatal de financiación fuimos los asturianos, y non los catalanes y, munchu menos, esos babayos de ERC, que -diz don Vicente Alberto- "si quieren presumir que presuman, pero allá ellos".
De mou que`l que firma esti blog (ver ensiertu del 15/07/09) nun sabe lo que diz, nin tien razón no que vien anunciando que diba pasar dende`l 2003. Val. Y que tamién tán equivocaos los editorialistes de la Nueva España (ver editorial del 19/07/09). Y tamién tolos economistes del país y d`España. ¡Pues ta bien!
Agora, y por si daquién tuviera duldes, y creyese que don Vicente Alberto y el PSOE tienen razón, que tomen nota de dos coses: a) Que lo que vaya recibir cada autonomía va depender de la evolución de la economía nesa autonomía; b) Que, aparte d`eso, la cosa ye tan oscura que naide sabe en realidá qué ye lo que va recibir cada comunidá (nin siquier los catalanes).
¡Pero estos fenómenos nun tienen dulda! ¡Vamos ser los más favorecíos!
De verdá, recomiendo lleer l`ensiertu yá citáu del 15/07/09 nesti blog.
Y, mentantu, cuando se cansen de llorar, ríanse un migayín.
En cualquier casu, y como digo siempre, yo a estos nun los voto.
No hay comentarios:
Publicar un comentario