Presente: Agora los Cosmen, la familia del ALSA, la qu'arrancara allá en Lleitariegos dende l'arriería intenta comprar el 100% de NX.
Pasáu: ¿Alcuérdense fai cuatro o cinco años lo que pasara cuando hubo un intercambiu d`acciones ente NX y ALSA? ¿Alcuérdense de verdà? ¿Nun se-yos escaeció lo que dixeren nesti país periodistes, políticos, sindicalistes y enteraos en xeneral? Pues dos coses: la primera, que taben arruinaos, la segunda que trataben de facer dineru pa escapar definitivamente del negociu (y, claru, salvar el patrimoniu que pudieren). Vaigan, vaigan, vaigan a les hemeroteques.
Nesti país suébranos:
- a) falar de too ensin saber de ná, o lo que ye peor, rutiando tópicos que, además, son tópicos toos del paleopolíticu
- b) nun perdonar a naide qu`espoxigue
- c) querer arreglar el mundu la economía como si fueren les estanteríes del economatu de casa
- d) metenos no que nun debería importanos, como si toles empreses fueren públiques
- e) pensar que seguimos viviendo nuna empresa pública xeneralizada, na que podemos influir al través del gobiernu o del sindicatu turnante, o si non, manifestándonos na calle.
No hay comentarios:
Publicar un comentario