El gobiernu de don José Luis Rodríguez tien propuesto que la subida de los funcionarios pal prósimu añu sea del 0,5%, lo que ye prácticamente una conxelación. Ye verdá que nun propón una conxelación dafechu, porque asina perdería l`argumentu eternu de que`l gobiernu del PP conxeló`l sueldu a los funcionarios y ellos non, pero lo que propón, si nun ye la conxelación dafechu, dexa xelaes les pates, les manes, la cabeza y el cuerpu, too menos l`embeligru.
Per otru llau, ye de prever que la subida total sea del uno o uno con cincu por cientu dempués de facer un apañu colos sos sindicatos (los de clase, que los demás son "corrientes"), pero esi mediu puntu o puntu más nun será de subida de verdá, sinón qu´encloyará otros conceptos como incentivos a la productividá, seguros de dellos tipos, etc.
Esto ye, engaños pa los que tengan fe, que, como sabe tol mundu, nun ye creer no que nun vemos, sinón nun creer lo que vemos, que ye la fe que mueve a los creyentes o enfotaos nel votu.
2 comentarios:
La crisis será pa toos ¿Non?
probinos,entrugome cuantos funcionarios van dexar la plaza en protesta y colar pal sector provau pa ganar mas :)
Publicar un comentario