Esta selmana acútenos la información de que, dempués de 15 años, esapaez de los quioscos Les Noticies. Sentímoslo.
Ye'l momentu de recordar, ensin embargu, que Les Noticies debe gran parte la so esistencia al apoyu sustanciosu que recibiera gracies al alcuerdu presupuestariu ente'l PAS y el Gobiernu Marqués. Esa subvención quedó dempués afitada a lo llargo los años.
Quciabis ye tamién el momentu de recordar qu'aquellos alcuerdos presupuestarios llevaren dineru pal deporte asturianu, pa les asociaciones de gaiteros, pa les escueles de música asturiana, pa los grupos folklóricos, pa los cantantes de tonada y pal festival de Lorient, ente otros. Y que, d'aquella, hubo un sofitu tan grande como inxamás, nin dempués nin enantes, pa tola cultura específicamente asturiana.El comentariu que debe facese tamién ye que too ello nun solo nun fue agradecío, sinón que sirvió pa un ataque al PAS por too ello. Reacción, a fin de cuentes, mui asturiana y mui asturianista, especialmente d'esti mundu, l'asturianista, que se mueve ente dos pulsiones: la de pensar que tolo que se-y da cai de les nubes porque lo tien ganao polos sos grandes méritos intrínsecos, y que, en consecuencia, ye too poco y nun se debe más qu'a la so propia virtú entá ensin tener daqué fecho pa ello; la segunda, la d'atacar tolo que ye prósimo y favoratible, como si ello fuese l'enemigu, y ser, al empar, condescendiente con quien nada nos da o nos ataca.
1 comentario:
Y si ye'l propiu asturianismu el qu'ataca (como muncha xente arreyada al PPSOE, el duernu o Les Noticies) ¿Qué ye lo qu'hai que facaer según tu? ¿Poner la otra mexella? El cristianismu esi ya pasço... nunhai que poner la otra mexella porque van zumbátela los mesmos... De lios dineros nuestros pa les cuentes corrientes de los señoritus de Les Noticies la inmensa mayoría qué quies que te diga, que nun paramos de llorar? anda yá... qu'en gloria tea como aquel Alarcos. Eso nun yera subvención yera corrupción.
Publicar un comentario