Campo de los patos, nº 4

Ente esti númeru y l'anterior, el 3º, acabantes de salir dambos, pásase un completu repasu a la poesía estadounidense. Fudamentalmente a la fecha n'inglés, que tornen al asturianu dellos escritores d'equí.  Pero hai una pequeña sección, empobinada por Paquita Suárez Coalla, sobre la poesía en castellanu fecha por autores sudamericanos que residen ellí. 

Asina mesmo asoléyase un estudiu sobre la música estadounidense y dalgún artículu creativu o d'estudiu, como, por exemplu, el míu sobre la poesía de Marta Mori.

El númeru de poetes estadounidenses, qu'abarca los sieglos XIX, XX y XXI, ye perampliu. De munchos d'ellos, además, dase una pequeña nota útil. 

La edición, como toles coses d'Antón García ye magnífica. El númeru de páxines de cada volume anda cerca les cuatrocientes (trescientes noventa y cuatro, en concretu, les del que tengo nesti momentu nes manes). El preciu, ridículu, 20 euros.