O "pela caridá entra la peste".
Como me lo cuenten. Un bar na calle Severo Ochoa, en Xixón. Hai una persona a la que busca la policía por agredir a muyeres. Asoleya la so semeya nos periódicos y n'interné. Los dueños venlu sentáu na barra. Llamen a la policía. Detiénenlu. "En premiu y recompensa" los vecinos dexen de dir al café, que tenía clientela abondo.
Asina lo contaba la dueña, llorosa, a un taxista que s'averó a felicitalos cuando yá la clientela los dexara por llamar a la policía.
Si eso ye asina, eso ye lo que somos, y constituye un bon avisu.
Yá se sabe, como diz el refrán pesimista: "Nun hai ninguna buena acción que nun tenga'l so castigu", o "Pela caridá entra la peste", porque la miseria humana ye como ye.
No hay comentarios:
Publicar un comentario