Ye antigu el xuegu. Tenemos refrencies tan antigües como Odisea VI-82:
[Na playa] Malapenes les esclaves y Nausícaa tuvieron fartes, sacárense los velos y xugaron a la pelota.
Y nel VIII-370 un baille con pelota:
Alcínoo mandó entós qu'Halio y Laodamante baillaren solos, pues nun yera naide pa competir con ellos. Al momentu garraren nes sos manes una bien guapa pelota de color púrpura, que-yos ficiera el mañosu Pólibo; y l'ún, chándose hacia atrás, aventábala a les abuxaracaes ñubes, y l'otru, dando un saltu, acoyíala fácilmente enantes de volver a tocar colos sos pies el suelu. En cuantes pasaren la prueba de tirar la pelota en llinia recta, pusiéronse a baillar na fértil tierra, camudnado munches vegaes la so posición. Aplaudieron los demás xóvenes que taben al redor, y gradualmente fue llevantándose un gran ruxerrux.
No hay comentarios:
Publicar un comentario