Sofítase nel suelu esta figar con esi cañu la manzorga, como si arrespondiere a la definición de la vida humana que-y plantegara a Edipu la Esfinxe:
-¿Cuálu ye l'ánimal que de nuevu anda a cuatro pates, a dos de mozu y a tres de vieyu?
¿O nun sabe nada de la Esfinxe nin d'Edipu y llimítase a imitar a tantos de los caleyadores del cuetu Los Pericones, que también, a pasu tantiguante o más llixeru, cumplen cola definición de la vida cola que la Esfinxe retrataba la nuestra especie?
Por ciertu, eses rames arretorcigañaes y enguedeyaes sobre sí mismes recuérdenme al Laoconte y los sos fíos.
Los Pericones, 05/03/17.
No hay comentarios:
Publicar un comentario