L'infantilismu de Piqué

“Creo que puedo seguir yendo a la selección porque hay mucha gente en España que está en total desacuerdo con estos actos, si no, no iría. Pero si alguien piensa que soy un problema o molesto no tengo ningún inconveniente en hacerme a un lado y dejar la selección antes de 2018”, afirmó, en referencia a la fecha en la que él ya indicó que dejaría de jugar con España. Y matizó: “Ir a la selección no es una cuestión patriótica. Hay que ir y rendir al máximo. Ha habido muchos jugadores que se han nacionalizado. No es una competición de patriotismo, se trata de ir ahí e intentar ganar”.

(Y too eso, que conste, lloramingando).

Piqué votando ayer. Imaxen tomada d'El País

¿Pero piensa Piqué que lo que fizo y dixo nun tien ningún significáu? Si nun quier ser parte d'España, ¿cómo cree que pue seguir siendo parte d'España? ¿La voluntá d'independencia ye entós un puru xuegu? ¿Nun tien consecuencies, económiques, polítiques, de convivencia...? Porque si nun quier ser español, ¿pa qué lo quier ser? Una selección "nacional" nun ye una banda de mercenarios: representa una nación o, si se prefier, un Estáu.

Per otru llau, de xuru que ye verdá qu'hai xentes (no que él llama "España") en desalcuerdu coles cargues policiales (masque nun se sabe cómo diben impedir les votaciones, como diz Piqué, ensin cargues: ¿Suplicando "por favor"? ¿Dándo a la xente con roses -¡perdón!, con roses non, que tienen pinchos- nes patuques?). ¿Pero nun parez ver qu'habrá otres munches, seguramente millones más, en desalcuerdu con un golpe d'estáu, con un saltar la llei, cola desobedencia a los tribunales que Piqué, como otros munchos catalanes, practicó ayer?

Per otru llau, si Piqué xuega cola selección nun solo van multiplicase por mil los pitos que yá recibía davezu, sinón que gran parte'l públicu va tornase contra la propia selección y, especialmente, contra Lopetegui, que nun ve tampoco problema que que Piqué xuegue cola selección española dempués del 1ochob. ¡Qué-y vamos facer!

Sólo una mentalidá infantil (y, polo tanto, irresponsable, ensin querer ver les consecuencies los sos actos) puede decir les fatures que diz Piqué. ¿Habrá munchos catalanes como él ente los partidarios de la independencia?