Esta mañana topé un antiguu escolín, en concreto, un escolín del últimu añu que di clase, de 2º de Bachiller. Topélu non, más bien topóme él, paróme (diba cola moza).
Fue un escolín al que-y entraba mal la sintasis, y que, polo menos na mio asignatura, tenía dificultaes p'algamar l'aprobáu, qu'algamó al final.
El casu ye que me paró pa dame les gracies, que-y prestaren muncho (o que-y valieren pa muncho) les mios clases. Y que fuera delles veages pel institutu pa decímelo, pero que nun topó migu (a mi, como digo siempre, écharenme al cumplir los 65 años: nun soi de los que taba na puerte l'institutu preparáu pa escapar en cuantes algamare la edá de la xubilación anticipada).
De xemes en cuando, yá se ve, ser profesor presta, masque sea retrospectivamente. Por cierto, yá me pasó lo mesmo con un par d'escolinos tamién de 2º de Bachiller y tamién con resistencies pa deprender.
Por supuestu, di-y les gracies fegadalmente.
No hay comentarios:
Publicar un comentario