Nun reciente e interesante artículu en LNE (06/10/19), l'arquitectu José Ramón Prieto Álvarez afirma que les primeres paneres de que tenemos noticia daten de 1646.
Pa empezar, yo tengo duldes de que la panera seya un horriu con más de cuatro pegollos. Conozo horrios con munchos más pegollos que siguen llamándose "horrios". Creo que, más que nada, trátase d'una cuestión de sinonimia a la que dempués búscase-y una estremancia, porque les sinonimies son siempre molestes.
Pero dexando aparte esa cuestión, discutible acasu, sobre la fecha diz Xovellanos nel so diariu, en 1804, en carta al maliayés Caveda:
"En un vínculo fundado en 1548, se trata de una panera ya existente (sin que conste desde cuándo), y esta panera, aunque indicando en su exterior su antigüedad, está en lo interior tan entera y firme como el primer día".
No hay comentarios:
Publicar un comentario