Les medíes sobre'l confinamientu, asina como dalguna otra sobre'l decretu del 15/3/20, paecen poco pensaes, como'l permisu d'apertura de les peluqueríes, del que volvieren atrás de mena confusa, y otros aspectos qu'ún nun sabe si consideraren o non.
Por exemplu, sobre'l salir de casa: hai munchos enfermos (con enfermedaes circulatories, diabetes, etc.) que necesiten caminar tolos díes, y non poco. ¿Qué pasa con ellos?
Yá sé que si s'entama facer escepciones, enllénense les cais, pero gustaríame saber si se tuvo en cuenta esti factor de la xente que necesita caminar enantes de nun abri-yos una portiella pa poder facelo.
Y seguiremos. Nun se trata de criticar: en xeneral, la midida d'aislamientu ye la única posible pa torgar el crecimientu esponencial del númberu d'afectaos. Pero, a lo meyor, hai dalgunos aspectos que considerar o matizar.
Seguiremos.
(La imaxen ta tomada de La Nueva España de güei)
No hay comentarios:
Publicar un comentario