Ayer replicaba equí una información de sanitarios del Hospital de Cabueñes. Andaben ensin pantalles protectores de la cara y consiguiérenles de xente que xenerosamente les fabricó en 3D. Pues bien, como saben, retiráron-yosles porque nun taben "homologaes". Esto ye, valía más que nun tuvieren protección a que la tuvieren d'aquella manera. Señalaba yo que'l razonamientu, sobre irracional, paecía dictáu por aquella frase de l'Enfermu Imaxinariu: "Val más morrer conforme a les riegles de la melecina que vivir escontra elles".
Pues bien, güei apaez nos medios l'autor del discurriatu lóxicu, de la orden funcionarial y del amor a la cita de Molière, el conseyeru de Ciencia, don Borja Sánchez. Esto ye lo que diz: "No se puede utilizar en clínica ningún material que no sea validado por la autoridad competente". "No hay nada más peligroso que, en primer lugar, saltarse el procedimiento, y en segundo, transmitir una
sensación falsa de seguridad a nuestro personal sanitario". Esto ye, val más andar ensin protección que tenela escontra les normes.
No hay comentarios:
Publicar un comentario