Nun ye verdá que'el Gobiernu lo faga too mal, nin muncho menos (dígolo en serio), pero hai munches coses nes que paez que nun sabe de qué fala. ¡Mira que reglamenta y reglamenta pal desempozamientu: distancia ente la xente, cites previes, porcentaxes d'apertura, espacios comunes, interior de los chigres y esterior, fase 0, fase 1, fase 2... Pues bien, nun se-yos ocurrió reglamentar sobre una cosa evidente: el tamañu les meses de los chigres. Nuna mesa cuadrada yá ye difícil que mantengan los dos metros de separación dos persones, tres prácticamente imposible, cuatro...
¡Pero nes meses velador, onde malapenes cabe la consumición...! ¿Dos persones, tres, cuatro...? Les meses velador, cenciellamente, teníen que tar prohibíes.
¿Son tochos o faense? ¡Y mira que tienen miles d'asesores! Bien, pues nesto, como en tantes coses, disparaten. ¡Si con un par d'asesores con xacíu y con conocimientu'l mundu sobraben!
Pero igual ye que los que dicten les normes son doña Adriana, don Echenique y don Arnaldo.
No hay comentarios:
Publicar un comentario