¡Qué llástima!

- Rueda prensa de les autoridaes franceses -

¡Qué llástima, l'asesín de Toulouse nun yera neonazi! ¡Cuántos nun sabrán agora qué decir! ¡Mira qu'estroza-yos la realidá'l discursu!

¡Y, además, colo que cuesta metese colos islamistes! ¡Yá verán cómo agora nun echen tanto la culpa a la ideoloxía, sinón, más bien, a la llocura individual o a les condiciones sociales y económiques, a la marxinación a la que sometemos los occidentales a los foriatos!

Entrevista n'ASTURIES.COM

entrevista de Pablo R. Guardado p'ASTURIES.COM el 18 de Marzu de 2012

Sánchez Vicente: "Na campaña eleutoral nun se ta tocando nin un solu tema d’interés p’Asturies"

El 25 de marzu Asturies tien una cita nueva coles urnes. Xuan Xosé Sánchez Vicente (Xixón, 1949), presidente del PAS, escritor y comentarista políticu, faló con Asturies.com de l’actualidá del país.

¿Qué-y paez el desarrollu que ta teniendo la campaña eleutoral hasta’l momentu?

Una riestra rutiazucos de tópicos insulsos.

¿Tán tratándose temes d’interés p’Asturies o más bien ye una campaña venceyada a los intereses de los partíos estatales?

Creo que nun se ta tocando nin un solu tema d’interés p’Asturies. Lo único que se fai, por toos, ye repetir les posiciones de caún nel tableru d’España. Eso incluye a Foro y a IU.

¿Qué papel tien l’asturianismu nesti contestu?

Pues, prácticamente ningún. Y, anque lu quisiere tener o s’esforzare nello, ye dafechamente invisible pa la población.

¿Cree que Foro pue considerase un partíu rexonalista/asturianista?

Nun paez otra cosa qu’una versión del PP, más la palabra ‘Asturias’, pero ensin ningún conteníu asturianu/asturianista/nacionalista. El so discursu ye’l discursu casquista, nada más, per agora.

¿Ve a la formación de Francisco Álvarez-Cascos como un partíu de llargu percorríu o cree que ta condergáu a tornar al PP?

Eso, ¿quién lo sabe? Depende de los resultaos d’estes y de les prósimes, asina como de la propia persona de Cascos. Ensin él, Foro esapaez.

La encuesta del CIS da como ganador al PSOE y prevé la entrada d’UPyD na Xunta Xeneral, que sería llave de gobiernu. ¿Confía en que se dean estos resultaos el 25-M?

Yá lo veremos. Yo creo que nin los electores, una parte importante, sabe si va votar nin lo que va votar.

¿De qué color va ser l’Executivu próximu?

Pues nun lo sé. En ningún casu, nin asturianu (política y culturalmente, claro; sí personal o geográficamente) nin asturianista.

¿Qué supondría pa la llingua y cultura asturiana la entrada d’UPyD nun hipotéticu Gobiernu?

El casu d’UPyD ye perreru. Ye un partíu contra les autonomíes, que tien como programa central reducir les autonomíes o suprimiles, y devolver competencies como sanidá y educación al estáu central. ¿A qué se presenten a un parlamentu autonómicu?

Esti mes cúmplense 14 años de l’aprobación de la Llei d’Usu del Asturianu, iniciativa del PAS que siguen ensin cumplise.

Convién recordar que costó munchu (y, en parte, costó-y a Marqués que lu echasen del PP, que lu echase Cascos). Convién recordar que diximos a tol mundu que diba ser lo único que díbamos tener en décades (o pa siempre). Y convién recordar que los ‘fenómenos’ (sedicentes asturianistes, l’Academia, IU…) ficieren una campaña terrible escontra nós por algamalo. Güei, como dixéramos, ye lo único qu’esiste (y, por desgracia, lo único que vamos tener). Los efectos fueren que l’únicu partíu que fexo daqué pol asturianu ta fuera’l Parlamentu. ¡Asturianaes!

¿Tienen los partíos políticos más consideración hacia la llingua asturiana anguaño qu’hai cinco llustros?

Apaecío. O sea, nada, la mayoría. Un migayín, dalgún. Menos mal qu’esiste la Llei y tienen que cumplila (toponimia, enseñanza…) y hai ehí un sitiu onde garrase. ¡Vamos ver lo que dura, con toles organizaciones parlamentaries despreciando l’asturianu o teniéndolu en casi nada!

Asturies camina hacia los 100.000 paraos y Arcelor-Mittal amenaza con desllocalizaciones. ¿El país tien futuru?

Más bien prietu. Y colo que se va votar nes prósimes elecciones, peor, sea cualo sea lo que se vote.

¿Cree que la ciudadanía ta realmente desencantada colos políticos?

Ta perdesencantada, pero son los ciudadanos los responsables de lo qu’hai y los que vuelven votar a los mesmos políticos a los que critiquen.

¿Qué valoración fai del movimientu 15-M?

Que too ello tien mui pocu contactu cola realidá, que ye parte del movimiento contra la política, y que tolos movimientos contra la política y los políticos inxamás tuvieren bonos resultaos pa la democracia y, polo tanto, pa toos y caún de los ciudadanos.

ASTURIES.COM del 18 de Marzu de 2012

Muerre la fía de "Pachín de Melás"

A los 101 años muerre la fía d'Emilio Robles Muñiz, "Pachín de Melás", doña Enriqueta Robles Sánchez. Doña Enriqueta tuvo presente en dalgún de los homenaxes que-y ficimos a Pachín de Melás.

Dende equí, el pésame a la so familia, y el recuerdu d'Enriqueta y de don Emilio.

-Homenaxe a Pachín de Melás n'El Cotu, fechu pol PAS, con participación de la familia-

El funeral por ella celébrase mañana, 22 de marzu, a les cinco y media la tarde na ilesia de San Xosé.

Por ciertu, un diariu llocal escribe que Pachín de Melás fue "escritor, periodista y hombre de izquierdas". ¡Nin una palabra sobre'l so asturianismu, nin una palabra sobre la so condición de promotor y editor de la lliteratura asturiana, nin una palabra sobre la so contribución a la zarzuela y al teatru asturianu! Mui asturianu y mui d'izquierdes tien que ser el periódicu esi, tanto como'l redactor.

garcina

Una vegada más, una garcina, conviviendo con una reidora. N'El Piles, el 02/03/12.

Páxina nel FACEBOOK

Hai unos díes que llegué a los 5000 amigos de FACEBOOK (gracies a toos y cada ún, pol vuestru interés).

Pero escontra los bilordios que circulaben pela rede y fomentaba FACEBOOK,  paez ser que 5000 ye'l tope másimu de collacios que puede caltener un perfil personal.

Asina que mui al mio pesar, llamentáblemente nun me lleguen les nueves solicitudes d'amistá (y nun vos puedo aceptar como collacios, escontra la mio voluntá).

Si queréis siguir la mio actividá y los mios comentarios, podéis facelu a traviés del "ME GUSTA" de la PÁXINA FACEBOOK que tengo:

• http://www.facebook.com/xuanxosesanchezvicente

Nun ye lo mesmo qu'un perfil d'amistá, pero mientres FACEBOOK caltenga'l llímite de 5000 amigos, ye una bona manera de tar en contacto.

Espérovos ellí:

Y como siempre, sigo a la vuestra disposición en TWITTER, GOOGLE+, XIMIÉLGAME y GOOGLE Friend Connect (y podéis amestame afincando nos iconos del marxen derechu d'esti mesmu blog)

¿Arreglaránse?

—Si yo fuese Dios —dice mi trasgu particular, Abrilgüeyu, mientras, acodados en la barra, tomamos unos culinos de sidra de restallu—, me reiría mucho. En realidad, son tan tiernos con sus enfados («ahora a estos los castigo») y con sus episódicas ilusiones («ahora este lo va a solucionar todo») que no puede mirárselos más que con espíritu condescendiente. Pero yo no soy Dios, soy nada más que un humilde trasgu, y estoy hasta las narices de que me paren por la calle para reiterarme lo mismo: «¿Se arreglarán, eh? Esta vez se arreglarán, ¿no?».

Echa otro culín. Hoy tiene la payuela y la parpayuela desatadas.

—Los humanos sois especialistas en romper los jarrones adrede, por irritación o por creer que dentro se encuentra un tesoro, y luego en pedir que vengamos los seres sobrenaturales a arreglarlo. Es muy difícil que se arregle. Esto no es la desavenencia de una pareja por el olvido de la fecha de cumpleaños o por discutir sobre la suegra. Se ha partido un negocio en dos y ambos compiten a muerte por la misma clientela con el mismo producto. De modo que, piensen lo que piensen los que rompieron el jarrón, la compostura es casi imposible, casi.

—Así que, a lo mejor, vuelve a gobernar el PSOE, esta vez bajo la advocación de don Javier Fernández, con la ayuda habitual de IU. ¡Y ahora que lo pienso! ¡A lo mejor, sí es para reírse! Porque, fíjate, si el final del episodio del enfado del jarrón consiste en que lo que va a ocupar el lugar de honor de la casa a partir de ahora va a ser el tiesto de PSOE-IU, pues habrán hecho un pan como unas hostias, los del búcaro.

Pide otra verde de culo ancho y suelta una risita.

—Y, además, sobre los impuestos que suba Mariano, estos subirán aún más los de aquí, como ya lo hicieron, para quitarles dinero a quienes lo tienen a la vista y a los que ellos dicen que lo tienen para dárselo a los que no lo tienen y a los que dicen que no lo tienen, ¡verás qué carcajadas la suyas!

—Sí, sí. Puede ser divertido. Y más, por otra parte, si se cumplen las encuestas y UPyD entra y es la llave. Ya verás qué apuro el de los de Rosa. Porque, además de tener que explicar por qué se presentan para devolver competencias, o, más adelante, por qué se han olvidado de ello, tendrán que decidir si apoyan a unos u otros. Y ahí no solo se habrá acabado el limbo que, hasta ahora, les permitía crecer, sino que, inevitablemente, en cuanto se decidan, acabarán con la mitad de su electorado.

—Por cierto —apúrreme, por fin, un culín, tras tomarse él tres: está imparable—, ¿no podrían disimular un poco y hablar de las cosas de aquí? Por ejemplo, entre otras muchas, de la reforma estatutaria y la financiación. Ya sé que lo principal de vuestro destino se juega en Europa y Madrid, pero la variable asturiana es una variable independiente, que puede acompañar, frenar o impulsar la marcha general. No hace falta que te lo diga a ti, ¿verdad? Pero aquí no hay más que los rutiazos —perdón los tópicos— de la política general: el copago, la huelga, la reforma laboral… ¡Vaya peñazo! ¡Vaya estafa! O, por mejor decir: no os tienen en ninguna consideración.

—Y, a propósito —me mira con malicia—. ¿A quién vas a votar tú, si es que vas a votar?

Me salva el chigreru. Llevaba ya tiempo barriéndonos los pies y recogiendo las mesas. Al final, ha acabado por ponernos de patitas en la calle, a mí, con la vuelta en la mano (al final he apagado su sed y pagado su locuacidad), a él, encasquetándole la montera en la cabeza.

Nos miramos. Me contempla con un punto de ironía:

—Que conste que ya sé lo que callas, raposu. No se me escapa.

narcisos n'El Piles

Unos magníficos narcisos, que nun son los corrientes pol so tamañu. Conviven, na güerta d'El Piles de la que faláramos ayer y n'otres ocasiones, coles berces.

Nun ye a favor de Mariano, ye en contra de Zapatero

O de los sos partidos, o de lo que signifiquen y significaren los sos gobiernos. ¿Que a qué bien? Cenciello. Esti fin de selmana conicidieren nel avión que venía a Asturies Cayo Lara, Rubalcaba y Rajoy, los tres pa dar mitis. ¡Qué vulgaridá! ¡Que mangaráu mestura de clases, discursos y ideoloxíes! ¡El tracamundiu los tiempos! Eso inxamás ocurriera con Zapatero. El y los sos ministros viaxaben n'aviones militares o n'aviones especiales del Gobiernu.

¡Esta vulgaridá del PP! ¡El presidente del Gobiernu viaxando siempre n'AVE y en llinia regular, igual que los ministros, pa asuntos de partíu o particulares! ¡Habráse visto qué demagoxa! Incluso, a veces, nun pueden venir, porque ta Ranón cerráu, pola borrina, como-y pasó a la vicepresidenta, Soraya Saenz de Santa María.

¡Ya nin la derecha tien distinción!

¡Unos fenómenos, estos d'IU!

Un momento del conceyu celebráu ayer na sede de CC OO n'Uviéu
semeya de La Nueva España

El 16 de marzu, vienres pasáu, los d'IU, Jesús Iglesias (candidatu), Gaspar Llamazares (diputáu), y el mio estimáu "Triqui" estuvieren na sede de CCOO p'aconceyase colos representantes del sindicatu en les fábriques d'armes de La Vega y Trubia.

Estos d'IU, yá se sabe, son antimilitaristes y, naturalmente, partidarios del desarme unilateral y de la destrucción de toles armes, asina como de la espaición de los exércitos. Pero, ¡ai Dios!, estos obreronos del monu, qu'entovía queden dedíquense a fabricar armes y, munchos d'ellos (Laus Deo) voten a la izquierda y supónse a IU.

Por eso, IU va pedir nel Congresu que los recortes en defensa nun afecten al blindáu 8x8, que teníen hasta agora encargáu pa La Vega y Trubia, y que, si hai recortes, cuerre'l peligru de nun facese (y de perdese puestos de trabayu, y d'haber menos votos, etc).

Asina que IU va pedir que, d'haber recortes en defensa (que debería habelos, pero que nun debería habelos), que nun los hebia pal 8x8. (De xuro que vienen contando lo mesmo en toles fábriques d'armes, pero díganlo selino, que nun s'entere naide.)

AGORA BIEN, LO FENOMENAL YE CUANDO PA XUSTIFICAR TOO ELLO, ESTO YE, PEDIR PA UN EXÉRCITU, GASPAR LLAMAZARES AFIRMA, NUN LO PIERDAN, "¡QUE L'EXÉRCITU ESPAÑOL YE UN EXÉRCITU DEFENSIVU!"

¡Pa mexar y nun char gota, de la risa! ¡Qué difícil ye acompangar el discursu pa captar votos (que llamen "ideoloxía") y la práctica de captar los votos (que ye "l'interés").

Caléndules

Calendula officinalis de la familia de les Asterácees. Llantáu n'El Piles, La Guía, nuna güertina que yá aponderara fai tiempu nun artículu nesti blog y en La Nueva España, especialmente al so propietariu y trabayador únicu.

Les semeyes, del 05/03/12.