La nueche del sábadu 27 al domingu 28 ñevó tamién n'El Sueve. Pongo equí cinco imáxenes tomaes a hores estremaes y dende sitios diferentes.
Pa danos idea del fríu que fexo, vamos apuntar qu'a les 11 la mañana del domingu había n'El Piqueru (Llastres) 5º. A les 6,25 la tarde, 4º en Lluces y 3º na Venta'l Probe. Ente 4º y 5º tol camín, hasta llegar a Xixón.
Eso sí, hai que decir que tanto'l domingu como'l viernes 26 hebo una llume estraordinaria, calteniéndose'l cielu azul hasta les 6,25 la tarde y viéndose dempués pa occidente los rubienes del sol ente les ñubes grises y altes un cachu llargu.
No hay comentarios:
Publicar un comentario