Oricios

Esti añu hubo más oricios (arcinos, arancinos, aleznes) que nos anteriores años. Hubo, en realidá, bayura d'ellos. Además de felicitanos por ello, queremos señalar dos coses: que los llamaos "especialistes" saben poco d'estes coses; que la bayura o non d'especies nun depende -como creen los prohibicionistes- de que tean en peligru d'estinción nin de les prohibiciones, sinón de los sos propios ciclos, de los que nun sabemos un res.

Aprovechamos pa felicitanos por esti añu bayurosu. Esperamos qu'estes marees de San Xosé sean "la de so madre". Esperamos tamién que Seprona y Conseyería brillen pola so ausencia.

Y, como siempre, manifestamos que nel nuestru programa electoral llevamos puestu'l propósitu d'aumentar la ridícula cantidá d'oricios qu'agora se puede atropar. 

¡Bones marees a toos!