Dalguna vez ya tengo felicitáu nesti mesmu blog a Julio Garcia poles sos fazañes: 19 veces campeón d'España, Campéon del Mundu, y RECORDMAN mundial.
Agora que ta preparando'l campeonatu d'Europa (que será pa xunu en Limerik, Irlanda), coméntame per FACEBOOK qu'ente xubida y baxada de los doscientos y picu kilos que llevanta, alcuerdase de la promesa d'ayuda económica como deportista fecha pol Ayuntamientu nel añu 2009 (reiterada delles vegaes), y que dos años dempués, varios campeonatos ganaos y dos records mundiales conseguios, entovia nun vió nin un duru.
Pasen pel so FACEBOOK, llean el comunicáu que tien escolingáu, y vean la humildá y respetu con que se quexa de les promeses incumplies....y la so incomprensión y incredulidá por nun entender por qué los señores conceyales prometen lo que nun cumplen.
(*) Semeya de J. García pa La Nueva España, dempués de ganar el campeonatu d'España con una seríe de 50 llevantamientos de 100 kilos
No hay comentarios:
Publicar un comentario