Ayeri dábamos un disparatariu d'una encuesta ente los universitarios españoles. Los datos de la encuesta (fecha polos profesores universitarios Eduardo García-Cueto e Ignacio Pedrosa) demuestren nun solo que los resultaos son malos, sinón que la inversión n'enseñanza constituye un despilfarru, en cuantes ye desproporciada la relación ente la inversión en perres y tiempu y el so rendimientu personal y social. Les sos conclusiones son aquelles mesmes que vengo denunciando dende'l comienzu de los años 80.
Resumo los datos qu'Eduardo García estracta pa La Nueva España:
«Faltan curiosidad, motivación y exigencia» ye la conclusión de los dos profesores. Y siguen diciendo:
«España ha desatendido completamente la enseñanza, los experimentos han salido mal y nadie hace nada para remediarlo. Estamos bajo mínimos, y los resultados de las pruebas PISA son sencillamente vergonzosos».
Un estudiante n'España cuesta-y al país ente 7.000 y 10.000 euros al año, según el cursu del que se trate. Seis cursos de Primaria, cuatro de ESO y dos de Bachilleratu o Formación Profesional. En total, 12 cursos, lo que supón un coste global pal sistema d'ente 84.000 y 120.000 euros. Todo ello ensin contar la Universidá.
Gástase permuncho nellos, pero un bon porcentaxe termina la Secundaria con la tenada cultural casi vacia: malos, malísimos pa les feches (sólo el 27% de los escolinos encuestaos acertó l'añu d'entamu de la II Guerra Mundial); en Xeografía e Hestoria, pa mexar y nun char gota: ¿La capital de Suiza? Hubo respuestaes para tolos gustos: Viena, Estocolmo, Berlín, Lisboa... ¡Bélgica!; pero ye que lo desconocen cásique too de l'actualidá. Ná más qu'un 41% de los encuestaos ye pa nomar dos ministros del actual Gobiernu español.
«A los jóvenes les falta curiosidad por saber», señala Ignacio Pedrosa. «Hay que preguntarse muy en serio qué pasa en la Primaria y la Secundaria», dice Eduardo García-Cueto. Él tien la so teoría: «Se han rebajado los niveles de exigencia hasta lo inaceptable. El sistema es perverso, porque se ha hundido la motivación del profesorado, y se le ha quitado todo tipo de autoridad».
Más tares del sistema: «Haber descartado casi completamente lo memorístico es un atraso. En mi curso, segundo de Psicología, hay un porcentaje alto de alumnos que no saben multiplicar: ¿cuánto es 0,6 x 0,6? Pues, si no tengo calculadora, me dicen...».
A la Universidá lleguen toos nuna política de puertes abiertes qu'Eduardo García-Cueto nun comparte: «Para qué convocar unas pruebas de acceso si la PAU acaba aprobándola el 96% de los alumnos. ¿No sería más barato que pasaran todos y que el sistema ponga a cada uno en su sitio?».
García-Cueto cree que «es un error tener a todos los niños haciendo los mismo hasta los 16 años. Hay que diversificar antes en función de actitudes y aptitudes. Y, por supuesto, hay que aumentar la exigencia de acceso a la Universidad».
Addenda:
Lleis de la enseñanza
Dende l'añu 1985 promulgárense cinco lleis orgániques: 1985: LODE. 1990: LOGSE. 1995: LOPEGCE. 2002: LOCE. Y 2006, LOE, actualmente en vigor. Toes por mayoría y col votu en contra del partíu de la oposición.
Reformes universitaries
Cuatro dende 1983, añu nel que se promulgaa la Llei de Reforma Universitaria (LRU), meses depués de la llegada al poder del PSOE.
Aproximadamente un 40% de los escolinos españoles repite daqué cursu enantes d'acabar la ESO.
PA SABER MÁS EN (TRABAYU D'EDUARDO GARCÍA):
- «Faltan curiosidad, motivación y exigencia» (La Nueva España del 25/09/2011)
- Los datos (La Nueva España 25/09/2011)
No hay comentarios:
Publicar un comentario